2021年11月26日 星期五

|護膚の享|天然溫和葡萄美白迎聖誕 ❀ CAUDALIE Vinoperfect葡萄蔓極緻亮白系列

話咁快就快到聖誕,為左可以係聖誕節以最佳狀態示人,找回肌膚光感和滋潤度,但冬天肌膚比較乾燥脆弱,一般刺激性美白產品容易引起敏感問題~


我一直都在用CAUDALIE Vinoperfect葡萄蔓極緻亮白系列,它的葡萄美白精華無論美白定保濕都相當出色,天然美白功效仲比維他命C62倍!

 

而且絕無刺激敏感、乾燥、吸光等副作用,成分安全,即使現在產後餵人奶都唔怕會影響到,毫無顧慮地得到天然美白修護,掃除暗沉,肌膚水潤光感逼人!

 

Vinoperfect Concentrated Brightening Glycolic Essence

極緻亮白精華露 HK$270/ 150ml

 

這支極緻亮白精華露以98%天然純素配方結合了溫和去角質和提升膚質的甘醇酸、均勻膚色和減淡色斑的白牡丹萃取物、舒緩保濕的有機葡萄籽水,以及帶來細膩觸感的橙花水


質地水漾易推的精華露,滲透度高,輕輕一抹,肌膚清透柔嫩有光澤,增強後續保養的吸收度~

 

可以配合葡萄蔓極緻完美精華液使用,能加快滲透達至雙倍淡斑功效,為肌膚再增添水亮光圈!

 


【皇牌升級】Vinoperfect Radiance Serum Complexion Correcting

葡萄蔓極緻亮白精華液 HK$520/ 30mlHK$720/ 50ml

 

它以98%天然純素升級配方,肌膚不僅更淨白,還能透出水潤光感~

 

另蘊含最高濃度 1000ppm 的獨家專利成分 Viniferine 葡萄蔓萃取液,一瓶能擊褪4大常見色斑達 63%:日光性雀斑、暗瘡印、懷孕期間引起的荷爾蒙斑或妊娠斑和老人斑,其天然美白淡斑功效比維他命 C 62 倍!

 

特別加入全新親膚仿生物乳化劑,可模仿皮膚結構,全面加快專利成分葡萄蔓

萃取液的滲透力4 倍快速淡斑去印亮白!

 

它的成分安全,沒有維他命C等刺激性美白成分所引起的副作用,如光敏

感、吸光、刺激肌膚和乾燥等情況,更不受日夜限制~

 


抽取式滴管設計,更易控制每次使用的份量~

而精華特別加入高效滋潤的橄欖角鯊烷,可以防止肌膚因太陽或其他因素以致肌膚太乾~



呈乳白色凝露狀質地水潤柔滑易推,推開後瞬間被肌膚吸收,即時滋潤肌膚,但不會對肌膚造成負擔,沒有厚重的黏膩感,絕不引致粉刺暗粒,美白同為肌膚補水,提升肌膚的光澤度及透亮度


以上兩款產品是它天然無害配方絕無油份、酒精、人造香料、Paraben、石蠟、PEG及動物原材料等有害化學物,讓肌膚零負擔,可以安心美白去印,敏感肌同孕婦都用得!



已經用左一段時間,粉刺暗粒都少左,膚色都均勻不少,而且有足夠的保濕功效,就算宜家天氣咁乾燥都足夠滋潤肌膚,膚質亦變得飽滿又細緻,相信再用多一陣子,難搞的色斑都會續漸減淡!真係值得入手!

 

 

 

Caudalie

Website: http://hk.caudalie.com/

Facebook: https://www.facebook.com/CaudalieHK

 

 

 

是次產品及資料由Caudalie提供

 

 

#聖誕 #葡萄美白 #天然 #美白去斑 #敏感肌

  

免責聲明:

本文章所發表的全部內容均屬個人意見及感受,並不代表該品牌/公司之言論及立場。

如需協助或希望獲得更多有關產品資訊,請直接聯絡該品牌/公司查詢或尋求相關專業意見。

**********************************

歡迎合作試用.邀稿.出席活動.化妝工作

Wing Ho

E-mail : fingyan.wing@gmail.com / fingyanwing.makeup@gmail.com

Facebook : www.facebook.com/fingyanwing.makeup

Instagram: FINGYANWING.MAKEUP

YouTube: https://www.youtube.com/c/FingyanWing

**********************************

 

 

2021年11月9日 星期二

|孕記の享|第一胎新手媽媽2021 ✿ 瑪麗醫院走佬袋清單



來到放產假的日子,整理好BB出世的東西,來到38週終於有時間再分享孕記Blog,今次先跳跳Step,因為生產在即,執拾走佬袋都係每位準備生產媽媽必做的事情~

 

我在懷孕第7,8個月已經周圍搵唔同走佬袋的清單參考,好多清單都係大同小異,但當續個List去對比時,都有唔同可取之處,坊間的走佬袋大多是分是去公立/私家醫院生產,去私家醫院的可能好多都會有提供,但好似我選擇在公立(瑪麗)醫院生產的話,要準備的東西都比較多!

 

整理左3次,終於都叫完成了,可以同大家一齊拆解我個走佬袋放左咩啦~

因為我是第一胎,沒經驗,所以可以準備的都會準備,有D帶左唔知有冇用,但帶左就好過冇帶~

 

因為現時醫院也沒有探病的安排,如果要補給物資只可以自己親身走到醫院門口等老公/親戚補給,加上瑪麗醫院都比較不就腳,所以唔想麻煩到家人太多,我會選擇入院時帶埋入去!

 

走佬袋係會分成3袋,其中一袋是出院袋,由老公接出院當天帶來醫院的

(公立醫院一般都唔建議拖行李箱,一來床頭櫃放不入,二來打開來搵物資都比較麻煩,所以袋/背包會比較好)

 

跟著我入院的會有2袋(還會有個小手袋擺放個人貴重文件)

 

入院個人物品及文件

1)身份証明文件正及副本

2)配偶身份証明文件正及副本

3)銀包、八達通

4)電話、耳機、充電線、行動式充電器、插頭

5)相機、後備電池

6)風扇(夏天適用)、暖包(冬天適用)

7)鎖(鎖上貴重物品)

8)產前檢查報告

9)覆診卡

10)儲臍帶血套裝(如有)

 

 

個人衛生用品/媽媽袋

 

1)即棄防水床墊 (60X90CM)

公立醫院必備,防止穿水或生產後有惡露流出,正常順產都係住32夜,因為5塊應該是足夠,唔夠醫院可以借俾你,出院時還返一樣數量就OK

 

2)安睡褲(去醫院前/生產後可以自行走動時使用)

好多媽媽都會問入院只帶安睡褲得唔得呢?其實都好睇醫院做法,以瑪麗為例,問過有經驗媽媽,生產後不時即時可以落床,就會由姑娘幫忙替換就唔方便了,安睡褲就係俾你入院時/生產後可以自行走動時使用,可以帶定少量

 

3)產婦衛生巾

產婦衛生巾有分扣式貼式,其實要用邊款都係視乎醫院姑娘習慣用邊款,以瑪麗來說,姑娘都會偏向用扣式+網褲一起使用,因為我之前買套裝,所以扣式同貼式都有準備

 

4)孕婦網褲

正常順產都係住32夜,一包有6條一定夠用

 

5)母乳防溢墊

好多公立醫院都會鼓勵媽媽餵人奶,就算唔餵都有機會有漏奶情況,避免胸前濕哂喧尷尬,當然帶備少量母乳防溢墊會比較好(不過亦都聽過產房個個媽媽都會咁,冇人會理你,所以可以考慮下呢個帶唔帶)


我自己就買左Pigeon,用密實袋另外分出黎

 

6)托腹帶(不在圖中)

視乎個人需要,到後期肚比較大我都一直有用,相信我入院時都會自己戴住!

 

7)乳頭清潔綿

其實都唔洗特登買,可以拎BB清潔綿就可以,In Case你會嘗試在醫院試親餵就可以用到,我就帶左少量之前BB展拎嘅Sample

 

8)即棄廁所墊

因為公立醫院廁所情況未必咁理想,生完始終有傷口,所以即棄廁所墊係必備,可以淘寶/去DASIO都可以買到

 

9)浴巾、面巾、包頭巾(如適用)

在公立醫院未必要沖涼,但都需要保持個人衛生,可用自己毛巾抹下身~

至於包頭巾我就無準備,因為我應該唔會洗頭!

 

10)牙刷、牙膏、漱口杯

我準備左即棄紙杯,同埋之前在酒店Staycation拎左嘅牙刷牙膏,可以在出院時即棄

 

11)紙巾、Tempo面紙、純水濕紙巾、如廁用濕紙巾、廚房紙(如適用)

乾紙巾同濕紙巾都要準備,手紙巾就放係隨身手袋備用,而Tempo面紙比較堅韌,可以用來抹乾傷口不易留有紙巾碎~

 

亦可以準備純水濕紙巾及如廁用濕紙巾備用,純水濕紙巾我就會帶BB都可以一齊用的,至於廚房紙我就無再帶!

 

12)下身沖洗瓶

無論順產/剖腹產都需要帶備,入熟水洗下身同傷口,我呢個有個彎咀係淘寶買,我覺得會比較好用D,香港買到大多數都係直身嘅

 

13)小膠盆仔(薑水抹身)

買左勁細嘅可以摺疊就比較慳位,可以帶少量薑包/洗手包入去供抹身時使

 

14)大暖水壺(裝滿暖嘅熟水放洗手間洗面洗手)

我就拎左個大炆燒壺,供洗手/抹身就可以焗薑包

 

15)洗手包

我就現成買左D洗手包,亦都有聽過有D媽媽會自己整,都冇所謂,就自己方便同喜歡

 

16)密實袋,掉垃圾膠袋 (掛勾)

聽有經驗媽媽講最好自己帶定D細袋仔,供掉垃圾之用,拎多個掛勾掛係床邊就方便自己掉垃圾,唔洗成日落床

 

17)環保袋

環保袋係可以供有時去廁所/行開拎少行裝時可以袋住,冇理由拎住個大背包出去架ma

 

 

媽媽衣物/飲食用具


1)睡衣(方便餵奶)(如適用)

因為入公立醫院有指定的睡衣俾你換,所以呢樣我就冇帶,可能私家生就可以帶埋

 

2)高筒襪

可以在醫院生完時穿著,以防入風,我帶左2

 

3)拖鞋(家居/浴室)

拖鞋一定要買防滑的,因為你會入廁所地下可能會濕

 

4)外套(不在圖中)

可以視乎天氣帶厚/薄外套,因為唔知醫院冷氣幾大,怕冷人士真係要準備定,驚生完入風

 

5)腰封(上圖)

聽聞開刀生的一定要用,我自己就prefer順產,但好多野唔到自己控制,所以都係準備定

 

6)餵奶胸圍、底褲(上圖)

餵奶胸圍同母乳防溢墊情況一樣,不過出院點都係會用到,因為我就帶備自己跟身,有需要可以用~

 

至於底褲就帶左即棄式,都係供有需要時使用!

 

7)冷熱敷墊(不在圖中)

因為怕生完子宮收縮會痛/胸部谷奶時使用,視乎個人需要帶備!

 

8)暖杯

生完就要焗炒米茶飲,最好帶個500ml以上嘅暖杯,因為唔係成日有醫院姐姐幫你針熱水~

 

另外我偷雞拎多個小型電熱水杯,不過要插電源的,好似唔係太用得,所以都係睇下可唔可以偷雞用,大家自行考慮帶唔帶啦!

 

9)餐具

醫院餐其實應該都有提供,不過如果你會自己落醫院落下買其他野食,所以我就帶左少量即棄餐具!

 

10)炒米茶包

可以帶備3-4包已經足夠了~

 

11 零食/乾糧(不用圖中)

按自己喜好買定少少乾糧零食,媽媽心靈滿足都好緊要~

 

12)營養補充品

私家醫生有提過生完都可以繼續Keep住用產前的Supplement,但出院坐月就可以視乎飲食而定,所以我都要帶返平時食開嘅Supplement入院

 

防疫用品

1)口罩

帶定多幾個替換,始終醫院多菌

 

2)免沖洗手液

BB出左世就可以用左呢支先掂BB

 

3)消毒濕紙巾

平時自己食飯前都可以用其他消毒濕紙巾

 

4)口罩套

 

媽媽個人日用品

 


呢個袋係惠氏媽媽會送嘅禮物,間隔都幾好,所以就用來放自己嘅個人用品~


 

1)洗頭水、沐浴露、薑皂(如適用)

其實入到去都未必要沖涼洗頭,所以都係帶定旅行裝已備不時之需,至於薑皂我就冇準備

 

2)潔膚棉、棉棒

 

3)個人護膚品

按個人習慣及需要:花水/爽膚水,卸妝水,卸妝棉、洗面膏、精華、hand Creamface cream、保濕噴霧、肚紋油(生完都要繼續搽,因為皮膚收縮都要形成肚紋嘅時候)

 

4)個人日用品

因應個人習慣及需要帶備:梳、髮夾、橡筋、頭cool、風筒(我冇帶)、眼罩(帶左蒸氣眼罩)、耳塞Airpod,有抗噪功能好正)、牙膠(如適用)、輕便化妝品(我冇帶,只拎左支防曬霜)、潤唇膏(聽聞醫院開冷氣會好乾燥,生產昤仲要一吸一呼,咀唇都會好乾,所以入院時最好厚敷一下以防咀唇爆裂)

 

5)乳頭膏(羊乳膏)

如果唔會打算餵人奶可以唔帶

 

 

BB出生後用品


有部份BB用品就係BB出世姑娘就會問你拎,所以呢D都要跟媽媽身帶備


1)紗巾

2)初生尿片

有人教可以拎哂D Sample入院,但其實咁樣太散,姑娘好難分邊個BB打邊個BB嘅尿片,所以最後就買一PACK直接俾姑娘,另外我拎多幾包同品牌的尿片,有NB SIZE作後備

 

3)純水濕紙巾

本來都打算打一細包的Sample算,不過同初生尿片一樣,會唔方便姑娘用,最後帶一PACK,因為BB一出世就會瘋狂用到了!

 

4)棉花球

唔知帶黎有咩用,不過瑪麗個清單有充Repack左一包細細嘅帶埋去

 

5)口腔棉

同媽媽乳頭清潔綿一齊用

 

6)棉花片

都係拎哂D Sample獨立包裝去用

 

出院袋

出院袋可以Pack定,等老公接你出院當天帶入醫院俾你,主要都係媽媽同BB出院衣物


1)媽媽出院衣服、頸巾、外套、帽子、鞋

 

2BB出院衣服: 和尚袍、夾衣、手套、腳套、帽、包被

 (可用密實袋封好交給姑娘)

 

以上都係我綜合左十幾個走佬袋清單同好多有經驗媽媽口述分享而得出黎嘅清單,當然未必適合哂所有媽媽,因為始終有部份要帶咩都好視乎個人習慣/天氣/公家或私家生產的考慮,希望俾大家有個參考~

 

一切準備就緒啦~希望阿B生生性性自己到時候就自己出黎,唔好要你媽媽我痛太耐啦!愛妳!


# 以上介紹的物資全是自費,非廣告,因為當中有部份物資我都未有使用經驗,如果想知好無用可以之後再INBOX/DM我,唔介意同大家分享下


**********************************

歡迎合作試用.邀稿.出席活動.化妝工作

Wing Ho

E-mail : fingyan.wing@gmail.com / fingyanwing.makeup@gmail.com

Facebook : www.facebook.com/fingyanwing.makeup

Instagram: FINGYANWING.MAKEUP

YouTube: https://www.youtube.com/c/FingyanWing

**********************************