最近每天都在留意著防疫產品的存貨，那裡可以買到，酒精搓手液、洗手液等防疫產品宜家都開始陸續多貨，大家都唔洗搶就買得到～
但唯獨是口罩，都依然比較難買，看到其他國家市民都開始排長龍只為買口罩，就知道現今的香港其實已經很幸運了～
但口罩是每天出街都要用的，疫情幾時完結？無人知道～
既然缺乏口罩已經係不爭既事實，如期坐以待斃係度日日MON住邊度有口罩買，搞到個人精神緊張，不如試下自己製作布口罩啦！
已經好多人上網分享過點樣整，其實Step
by Step真係唔難，睇左好多條教學片，我就跟左Youtuber嘅教學（相關連結可以在文章尾段搵到）啦～紙樣都係用佢果個（不過做完之後覺得下巴位比較大，可以自己由調節一下大細）
其實教學都不外乎有三款，包括係立體款（日本版）、KF94款（韓國版）同埋風琴式外科口罩款，今次就先試下立體款先啦！
在製作之前，可以先準備幾款工具及材料：
-
衣車（如果無可以手縫也可以）
-
紙樣
-
剪布較剪
-
普通較剪
-
大頭針
-
多款布料
-
軟呎
-
軟鐵線
-
熱溶膠槍
-
橡筋（耳帶用）
-
筆
呢個口罩係可以放到Filter版本的，所以剪好紙樣，上面已經寫左要幾多塊布～
面布2塊＋裡布2塊
至於用咩布就可以用綿布，入面裡布就可以用二重紗會比較透氣，面布也可以選擇防水的布料，不過有人會覺得太焗身，大家可以自行選擇！
第一步：剪布
面布需要2塊，大家可以將在對摺（因為我地立體形口罩其實是2塊布MIRROR咁剪出黎），然後可以用大頭針固定好紙樣就可以沿住黎剪～
然後裡布就要4塊，為左自己可以分別到前後，所以用左2款唔同的布，跟面布一樣做法，剪2次就可以剪出4塊！
剪出黎就係咁樣啦！
第二步：縫紉
面布可以面對面，然後用大頭針固定，然後可以跟返0.5CM紙口位用衣車/手縫（因為我已經多年冇掂衣車，所以就畫左D線可以幫自己穩定車好條線，如果你係熟手的可以省略呢個步驟啦）
先車曲線的一邊，如果用衣車就記得好頭尾都要回針就可以令線更加穩固！
車好一條邊之後可以邊曲面的位置剪返D握位，咁樣可以令到反轉布面時會更加俐落順滑！
之後4塊裡布都係用樣做法！
好不容易就完全左呢個步驟啦！
第三步：裡布處理
4塊裡布車／縫成2塊，攤開後面對面，然後用大頭針固定～
將左右兩邊縫起，同樣保留0.5CM紙口位便可，車／縫好之後可以反回正面再車多一條線，有穩定作用！
第四步：面布及裡布處理
剛才將裡布合二為一，宜家就可以將面布同裡布合併啦～
面布的正面可以對著公仔裡布（反出黎想見到的一面），對準中間上下，然後用大頭針固定一下！
面布比裡布大，可以先將口罩的上面車／縫一條線，先由裡布的位置開始車，把裡布固定，同樣保留0.5CM紙口位～
第五步：鼻位鐵線處理
上下都車／縫好時，口罩已經完成左70%啦～
之後就可以在面布的底部，在鼻位的位置量好約10CM的長度，可以用呎度一度，將鐵線置中～
在指定的位置用上熱溶膠槍，用貼上鐵線，一支／兩支可以隨個人喜好選擇～
第六步：邊位處理
待鐵線定好位時，可以將成個口罩反過來，再將再餘的位置以0.6CM左右的紙口位收邊，上下兩邊如是，由頭車／縫到尾～
第七步：耳掛位置
尚欠耳掛位置，這個就十分簡單了，在左右兩邊摺起大約0.6-0.7CM的闊到，然後車／縫好即可！
而且就可以穿上橡筋，如果比較難穿，就可以用上類似的穿繩器就可以輕鬆穿好（可以在AEON
$12店買到）
完成
我的第一個布口罩咁就出世啦～
已經多年冇掂衣車，想不到自己也幾有天份，雖然第一次進度出較慢，但之後應該會愈車愈快啦！
呢個布口罩仲可以放到濾心架～如果本身有外科口罩就可以配合一齊用，就可以延長外科口罩的壽命，如果真係唔好彩買唔到外科口罩，就可以用濾心就用到啦！
濾心可以試試找3M的過濾網都有口樣阻隔細菌同PM2.5功效架～
雖然布口罩唔可能完全代替外科口罩，同埋唔可能有齊BFE等等阻隔功效，都係果句，有好過冇！
（人手時間金錢都有限，希望送到俾有緣人啦！）
＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊
歡迎合作試用．邀稿．出席活動．化妝工作
Wing
Ho
＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊
