準新娘為左結婚要想靚一面示人，真係平時唔係咁貪靚咁奄尖都會變得挑剔同極為貪靚～
我自問係有少少完美主義性格，不過我唔係處女座，所以呢個性格都唔會太極端，只係想一係唔做，一做就要做好的性格，籌備左多時的婚禮，週邊野都已經好似兼顧好，又點可以少左照顧一下自己呢？
近半年市面上的藍光美白牙齒療程真係愈來愈普及，在籌備之初都曾經試過用家用的藍光美白牙齒儀器，不過用了一陣子成效都唔算太大，所以一下子又頓成為垃圾了！
但係心有不甘的我，係大日子之前2個月都開始積極地找尋市面上的藍光美白牙齒公司，在這個平台上亦都有唔少準新娘子婚享，既然得係真心分享於是我都膽粗粗在婚前一個月去試一試啦！
預約好時間就放工過去了～呢間店都幾多人幫襯，上到去都有人做緊療程～
係做療程之前，職員就先指示先漱口～
店內環境都好舒適，可以約埋朋友／另一半一齊上來做療程，就會用返布去分隔開～
座位旁邊都有一個小籃可以擺放私人物品！
一切準備就緒就先圍上圍巾，職員就為我塗上凡士林滋潤雙唇，因為療程時間都要45分鐘，可以以防雙唇乾裂～
之後的畫面實在太惹笑了～職員幫我用上擴大器～再放上沾濕的化妝棉，作用係可以濕潤雙唇之餘，仲可以用作吸收口水及保護作用～
整理好之後就對一對本身牙齒的色號作紀錄～
之後塗上牙肉保護的藍色膏～再塗上美白牙齒的產品，塗上牙齒會有少少冰涼感，但沒有任何不適／麻痺的感覺！
而且戴上保護眼鏡就可以開始照藍光啦！
為時45分鐘，職員會打開Sofa俾你可以在半躺的狀態下休息進行療程，過程中可以玩手機，不過就唔太建議，雖然戴上保護眼鏡，但係始終對眼睛有影響，不如好好休息45分鐘吧！
好不容易終於都完成了～當然又要度一度返牙齒的色號啦～先可以睇到前後的對比如何！
大家最期待的畫面出現啦～
短短45分鐘，上下排牙齒足足美白左10度以上～
上排：24
> 14
下排：30
> 16
呢個藍光美白牙齒做一次已經可以見到效果，如果想效果Keep得更加好，可以在第1次療程後至10日後可以做第二次，一般一次效果持久約3-6個月架，當然都要視乎個人飲食習慣及牙質啦～
做完療程之後48小時避免食用深色素食物，好似咖啡／朱古力／咖哩／豉油／茄汁等…我自己就選擇左內餃子唔點汁，同埋食米粉，其他如白飯／白汁類意粉都可以架！
雖然一次唔算平，但佢地選用的材料由美國直接入口，十分安全可靠，而且過程簡單，職員完全唔Hard
Sell，唔會強迫消費，相信呢樣大家都好擔心，同大家講我經驗真係全程真係好舒服冇Hard
Feeling～
如果有大家都有興趣，可以PM我，我可以俾返個【讀者優惠】大家，可以用一個優惠價去體驗一下！
窩心小Tips：如果Budget唔許可買多幾次療程，我個人建議可以在Pre-Wedding前2-3天／Wedding前2-3天先去做，因為事關做完療程真係要戒口，如果唔戒口的話好快就會打回原狀，戒幾日好過戒咁耐ma～嘻嘻～
希望大家都可以影相前／大婚當日以漂亮的牙齒示人啦！
在此奉上Big Day當中一張相俾大家睇下我排牙吊下癮先！嘻嘻！想睇更多就要繼續留意我之後的婚享 ！
婚享完畢！多謝收看！
以上都是我的用心分享，大家喜歡的就留個腳印👣支持下～你們的支持就是我婚享的原動力！多多指教！
沒有留言:
張貼留言