｜吃喝の享｜任飲任食放題 @ 三木日本料理

任飲任食豪無顧忌不需要睇價錢地食，真係好爽！

話說已經好耐冇食放題，跟友人二話不說就去返上次食過今次想翻尋味的「三木日本料理」

我們都是平日晚上8時半的時段進食，人流比之前新開業明顯多左好多，座無虛席！利害！確實這間也真是蠻不錯，所以已來第二次了～

這裡的食物選擇非常多，一疊點菜紙，睇睇點菜都要花點時間～

首先就黎刺身先～

跟開業時的水準都保持到，全部都非常新鮮，而且切得比較厚身，啖啖肉好有口感～

因為近期剛病好，所以不能點凍飲，所以我轉攻了熱的湯品～

左：豆腐味噌湯

右：黑松露野菌忌廉湯

我飲的是黑松露野菌忌廉湯，記得上次飲係好好味，所以今次也點了這一個，水準都保持到，依然好好味，湯內還有一些雜菌好有口感，最後我飲了兩大碗！

左：若布胡瓜醋

右：三文魚蟹肉沙津

若布胡瓜醋原來是海苔加青瓜，有點醋去調味，幾開胃～

而三文魚蟹肉沙津，我想不過蟹肉就是蟹柳棒半條，我太大想頭了，哈哈！

原切牛舌及蒜香一口牛柳粒

這兩款鐵板燒應該是即叫即燒的，上碟都是出煙的～

牛舌質感幾爽口，而牛柳粒的蒜香調味好正，而且入口唔難咬，牛味有，不錯不題！

壽司類：分別有花之戀、蟹棒壽司、火炙三文魚腩等～

全部都是少少的SIZE，不會太大食到太飽，又可以試到不同款式的食物～

鹽燒雞中翼及牛油粟米～

鹽燒雞中翼比想像中好味，好香，又是即叫即燒好惹味～

牛油粟米不用說，是每次都要點的普通但是好愛吃的！

還有燒菠蘿及日本糖芯蕃薯串～

燒菠蘿是朋友點的～

而日本糖芯蕃薯串好好味～甜甜的，可以連皮食～

最後就是甜品時間～

每款都點一份，可以同朋友Share，我最喜歡的是牛奶布甸，好滑好味～

後記：

已經來過第二次，事隔大半年，水準依然保持～

就算人流多左，都無漏單情況～

而職員都好快手，有有禮貌，值得推介！

三木日本料理

地址：尖沙咀加拿分道25-31號國際商業信貸銀行大廈15 樓 (河內道入口)

http://www.openrice.com/zh/hongkong/restaurant/%E5%B0%96%E6%B2%99%E5%92%80-%E4%B8%89%E6%9C%A8%E6%97%A5%E6%9C%AC%E6%96%99%E7%90%86/175990?s=3

＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊
歡迎合作試用．邀稿．出席活動．化妝工作
Wing Ho
E-mail : fingyanwing.makeup@gmail.com / fingyan.wing@gmail.com 
Facebook : www.facebook.com/fingyanwing.makeup

Instagram: FINGYANWING.MAKEUP

＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊

｜吃喝の享｜哈日族要去食日本料理 @ 三木日本料理

哈日族的我約了朋友食飯～次次諗食咩都好煩惱～因為太多選擇～

而我好耐冇狂食日本料理放題～所以我主動提出～

好彩我朋友陪我去癲～哈哈！

 

我係佐敦返工，自自然然就想搵返D附近的食店啦～

最後就去左【三木日本料理】食飯啦～

 

【三木日本料理】位置尖沙咀K11對面的大廈～

都好容易搵到～

 

因為怕多人等位，我地都預先打電話去訂位～

他們晚上的放題時段有兩個，分別是1800-2015或2030-2245～

因為我要6點半先收工，所以就預訂了2030-2245時段～

我地當日平日星期二晚上去的～

佢地星期一至三係便宜一點HK$238/人（另收加一服務費）

我地兩個好肚餓，早到左等入座～

入到去俾我感覺座位好寬敞～好舒服～

比以往去的放題食店闊落得多～唔洗轉身就係人同人～

可能平日關係～入座率只有一半左右～

 

 

勁肚餓關係～梗係立即睇下有咩Order啦～

嘩嘩嘩！呢度有勁多勁野食選擇～

落單紙都有N咁多張～哈哈～花多眼亂！

 

第一Round梗係order刺身先啦！

樣樣都叫左少少先啦！個刺身盤好型咁上碟！

我最愛三文魚，切得比較厚身！正！

仲有另一個至愛帆立貝，我未試過係放題食過咁大粒帆立貝～大過手指呀

都幾好味～幾新鮮呀～

不過可能解雪得未夠，有少少冰冰地既感覺～不過還可接受～

仲有隻甜蝦唔講得笑～粗過我手指～

平時食開都係細細隻果Ｄ，估唔到有咁大隻甜蝦～

 

之後再點了沙津～

芝麻醬係我至愛～連埋豆腐食都幾好味wor～

之後就叫飲品啦～

飲品都係汽水類為主～而其他有呢個FUZE Tea Lemon及FUZE Tea Apple～

毛啦啦俾我發現左係呢個黑松露野菌忌廉湯叫呀！

梗係試下啦～一試之下～正到冇朋友呀～好香菌味～勁想encore多碗呀！

 

之後就點左其他熱食～

有餃子雞翼、牛舌及牛柳粒、香辣魚餅同埋牛油粟米～

餃子雞翼好搞笑，入面去哂骨，放左D豬肉餡入去～不過我好怕食雞皮，唔係太岩我好味～

牛舌及牛柳粒都尚可，中意食牛的人可以再叫～

香辣魚餅D醬汁係帶少少甜的辣～不過我怕辣～唔係太岩我口味～

粟米雖然係平野～但係黎到放題都總會叫返D食下～栗米好甜～

之後上就係火炙壽司～

由左起係黑松露帆立貝、左口群邊、海鰻及三文魚腩～

味道唔算得上好好味～不過是可接受～

可以再試下其他唔同款～

 

再上就係清酒煮蜆～

唔…只可以話蜆冇蜆味～麻麻地～

之後就係日式蒸蛋啦～

好少可係放題會見到可以叫一杯日式蒸蛋架～

材料都好足～不過可能廚師重手左～咸左D～

之後就一堆串燒同埋炸物～

因為我地都唔太好炸野～叫左少少黎試ja～

我自己就麻麻地串燒～所以no comment～

多謝朋友仔meet左隻蝦俾我食～蝦就唔係好新鮮了～

竟然俾我發現有我至愛的燒八爪魚丸點～

好驚喜～外脆內軟～仲有魷魚係入面～正！

女仔食甜品係有第二個胃既～

哈哈～我地一叫就叫左4款食～

分別有泡芙、北海道3.6牛乳奶凍、意大利芝士餅同埋法式焦糖燉蛋～

樣樣都比我想像中好食～不過最好味的一定係北海道3.6牛乳奶凍～好滑～～

最後整多2球雪糕啦～分別係豆腐味同綠茶味～

點知就賴野啦～唔係好明點解會一早”不”定D雪糕放埋落個碗度一齊雪～

搞到球雪糕好硬身，唔好食-_-

 

總結：

其實整體黎講【三木日本料理】係我食過咁多同等級的日本料理放題黎講係好既一間～

一來座位夠闊落～唔洗下下俾人迫住個背或者係成日有人係你張枱隔離0.00mm咁行過～呢點我好中意～食餐飯都好似打仗咁～好辛苦je～

二來侍應態度好好仲好主動協助客人～當我寫完一張點菜紙放係枱面，唔洗1分鐘侍應都埋黎收左我張點菜紙幫我落單～

三來係沒有漏單～

最後，梗係佢地食物夠多選擇啦～淨係本點菜紙都夠你睇足15分鐘先睇得哂XD

下次我會帶我男朋友黎再食過！

 

 

 

三木日本料理

地址:尖沙咀加拿分道25-31號國際商業信貸銀行大廈15 樓 (河內道入口)

電話: 3188 5882

 

＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊
歡迎合作試用．邀稿．出席活動．化妝工作 
Wing Ho
E-mail : fingyanwing.makeup@gmail.com / fingyan.wing@gmail.com 
Facebook : www.facebook.com/fingyanwing.makeup

Instagram: FINGYANWING.MAKEUP
＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊