2018年10月5日 星期五

|吃喝の享|「蟹」樂無窮 ● 灣景廳「蟹」之風味宴 自助晚餐


辛苦搵黎志在食,放假就梗係四出去搵食,最近天氣轉涼就即係代表「蟹」的季節又來了,最近就係社交平台發現到灣景廳以「蟹」為主題,一連兩個月舉行左季節限定的「蟹」之風味宴 自助晚餐,真係十分吸引~上星期襯假期就跟男友一齊食啦!

它們精選多款時令螃蟹入饌,除供應冰鎮加拿大雪花蟹腳及麵包蟹外,更精心製作了一系列不同風味的蟹品菜式,有十多款呀~除左蟹仲係蟹,真係嘆為觀止,為一眾蟹迷締造一場令人回味的初秋「蟹」逅!


灣景國際The Harbourview 灣景廳位於灣仔酒店內,地方都唔算難搵,上到去環境好闊落光猛,座位之間都好寬闊,而且職員都很有效率將桌上的食用完的具收拾好,令我地可以開懷大吃~


自助餐的好處相信都唔洗我多講,食物款式種類多,除左有主題的「蟹」之外,仲有多款海鮮,全部都有冰鎮住,好似新西蘭生蠔、雪花蟹腳、麵包蟹新西蘭青口、鮮蜆及鮮蝦等~



每款冰鎮海鮮都十分新鮮,最喜歡就係雪花蟹腳,易於剝拆,啖啖蟹肉十分新鮮多汁,即使沒有任何調味料都可以食到蟹的鮮味!


麵包蟹有好多蟹膏,十分邪惡,同埋都已經切開一半,亦都唔需要剝拆得好辛苦~


又海蝦肉質好彈牙,冰凍的蝦肉都幾好食~仲有下面的蟹鉗,又係啖啖肉,真係食到食指大動,鮮味十足!


而生蠔雖然不是我倆的的最喜愛,但係都幾新鮮唔腥,肉質厚實爽滑,大滿足~


而食自助餐又點可以缺少刺身,即叫即切,刺身的種類都好多,分別有三文魚、八爪魚、吞拿魚、北海道帶子、希靈魚、甜蝦,聽閒係假日仲會有其他刺身,好似北寄貝、劍魚等


唔好以為自助餐任食刺身就會唔好食,佢地既刺身真係幾高質,肉質爽甜易咬開,好似劍魚的魚味十分濃郁,咬開仲有魚油香味~




除左冰鎮的各式蟹之外,佢地仲有多款唔同的烹調方式的蟹美食~


這個花雕蛋白蒸雪花蟹鉗以精緻小碗奉上,入面有雪花蟹鉗外,還有蒸蛋白,蛋白是以花雕酒混合蒸煮的,質感好嫩滑,而配上啖啖肉的蟹鉗使口感對比鮮明,口感十足,而花雕的酒香與咸鮮的蟹味卻相互匹配,好正~我一口氣都吃了兩個!


這個一口Size的阿拉斯加蟹肉芝士撻好特別,Crossover的烹調方法,以特選MozzarellaParmesan芝士製成,濃郁的芝士咸香味十分惹味,而入面混入一絲絲的阿拉斯加蟹肉,口感豐富,愛好芝士的男友都吃了幾個~

數到大家都食過唔少的就是黃金軟殼蟹,軟殼蟹的表面以鹹蛋黃調味,再以炸的方式炸成金黃色,食落好脆口惹味~

牛油果是近期的大熱Superfood,這份牛油果蟹肉鍋巴將蟹肉混合牛油果,再加上不少的調味料打成果醬放上鬆脆的鍋巴上,口感特別之外,食落仲唔會覺得有罪惡感~

炒蟹當然都唔少得啦~呢份新加坡胡椒炒蟹主要以以白胡椒炒香,辣度真係唔講得笑,而且醬汁更香濃惹味,不過因為蟹上醬汁太多,掏手拆蟹有點論盡耶~

呢個真係全晚最驚喜,每位只有一,想encore都唔得~
初頭以為係梳乎厘甜品,原來係梳乎厘焗羊肚菌及加菲蟹濃湯梳乎厘焗既湯真係第一次品嚐到~

湯有很濃郁的蟹味,入面仲有原隻加菲蟹拆肉餚製而成,入面仲有啖啖的蟹肉,十分滿足!

仲未完~另一邊仲有主廚即席炮製黑松露滑蛋蟹肉布里歐

底部是一片好香脆的多士,上面混合了黑松露炒香的滑蛋及蟹肉,除左有淡淡的黑松露香,當然仲要蟹肉的鮮味!

而更加唔少得,自助餐必備的新鮮沙律吧,可以自由配搭,款式都幾多,因為我主力食蟹,所以今次就未有品嚐了,下次有機會試下!

去到用餐的尾聲,當然唔少得甜品時間~
這個甜品區選擇都不少,當然有最吸晴的朱古力噴泉

還有其他不同款式的甜品蛋糕,味道也是不錯耶!



當然最最最開心就係有得任食瑞士名牌MÕVENPICK雪糕,仲有8款口味任均選擇~




而係八點起,仲有主廚負責即場製作十勝紅豆綠茶餅,份量細少可以一嚐它的風味,Pancake香軟配上粒粒紅豆的紅豆蓉,不會太甜!



還有各式的新鮮水果及設自助飲品吧,可供暢飲冰涼的汽水及橙汁,真係滿足至極!




「蟹」之風味宴 自助晚餐
供應日期:即日至1031日,每晚6:30pm  9:30pm
價格:
星期一至四:成人HK$498、長者HK$458、小童HK$358
星期五至日、公眾假期及其前夕:成人HK$538、長者$478、小童HK$378

優惠一:免付加一優惠價
成功訂位當日起三天內預繳每位HK$100訂金,可享免付加一優惠價
星期一至四:成人及長者 HK$418 小童 HK$338
星期五至日、公眾假期及前夕:成人及長者 HK$448 小童 HK$358
(已包括加一服務費)

優惠二:生日優惠
壽星全枱每位按免付加一優惠價再減HK$30
*須於成功訂位當日起三天內預繳每位$100訂金
*壽星須於入座時出示有效證明文件方可享生日優惠

優惠三:餐飲優惠
6位成人或長者惠顧可獲贈Tiger生啤2 (只限堂食)
*須於成功訂位當日起三天內預繳每位$100訂金



灣景國際 灣景廳
電話:3909 9088
地址:香港灣仔港灣道4號灣景國際1


**********************************
歡迎合作試用.邀稿.出席活動.化妝工作
Wing Ho
Instagram: FINGYANWING.MAKEUP
**********************************

沒有留言:

張貼留言