近年有種新興的料理叫分子料理，一聽個名就知係所費不菲，是有錢人的玩意啦～
但最近係銅鑼灣發現左間平民收費的分子料理，分子雪糕就食過，分子料理真係試都未試過，於是就拉埋男朋友一齊去試下啦！
它位於銅鑼灣禮頓道，近聖保祿學校附近～
地鋪店面不大，而且入面係沒有座位，沒錯，我們全程都是立食的～
事前也已有心理準備，幸好當日行程都唔算多，企住食都唔係問題～
而這裡只接受預約訂座，因為廚師要預先準備食材，不過Walk In是不接受的，Walk in的只可買到櫥窗外的飲品及甜品！
Book左位之後，店員都叮囑我地唔好遲到，所以我地都預早到達！
這就是我們今日的Menu！
店內就只有這一個吧枱，而這裡每日也只接受6位客人的Booking～
枱面上擺放了我們的餐具，這餐具都幾特別，有個夾要黎做咩呢，一陣自有分翹～
星空特飲（HK$25）
這杯其實是檸檬雪碧，有好美的紫色，攪拌後就會變成偏紅的紫，顏色好美，但味道就是普通的雪碧加檸檬！
哈密瓜分子晶球配西班牙黑毛豬火腿
這盆橙黃色的就是廚師預先以哈密瓜打成蓉，之後以晶球化作用將它弄成一個個像蛋黃狀的的形態～
成形之後再配以西班牙黑毛豬火腿，黑毛豬火腿的味道比較濃及重味，配合清新的哈蜜瓜味配合得天衣無縫～
建議是一口食完，因為哈蜜瓜球就是被外層一層膜包住，一咬開就會還原成液體狀的蓉！
膠袋櫻花蝦肉鬆雲吞配日式高湯
日式高湯以昆布、木魚及蝦子等食材煮成，味道好濃郁惹味！
而配上這個食用膠袋整成的櫻花蝦肉鬆雲吞，食用膠袋是入口即溶的，口感好特別，配上日式高湯味道不錯！
柚子醋粉末配櫻桃蘿蔔、三文魚子及針魚刺身
廚師以液態氮把預先整好的柚子醋即時冷凍成一塊塊，然後以攪拌機打磨成粉末，作為這碟食物的調味～
白色的粉末就是即時磨好的，因為好快要溶，所以建議盡快食用，針魚沾上柚子醋粉末作調味，微酸好開胃，而針魚肉質好嫩滑易咬，不過份量就是比較少！
龍蝦慕絲配魚子醬、椰菜花
廚師先將椰菜花切成碎碎放在小杯內的杯底，再預先把龍蝦湯變為慕絲狀，上面再加少許魚子醬！
一小杯內有大驚喜，吃一小口就已經感受到超濃郁的龍蝦鮮味，而且慕絲好滑，入口即轉化為液態，好似飲了一大碗龍蝦湯一樣的感覺，超推介！
煲仔西班牙海鮮飯配分子蒜香忌廉泡
因為分子料理一向都唔會食飽人，貼心的廚師就加了這個煲仔西班牙海鮮飯，份量都足夠～
飯粒就比較黏身，不過入面的海鮮份量都好足夠！
再以分子蒜香忌廉泡作為調味，以打氣機將醬汁打成泡沫狀～
混埋一齊食特別惹味！
特級初榨橄欖油慢煮三文魚配檸檬、橄欖
廚師預先將氣打進密封式的玻璃瓶內，以煙燻慢煮三文魚！
以煙燻焗左一陣！
廚師就提供脫水橄欖及檸檬碎碎作調味，可以令三文魚味更加鮮味～
也配以特級初榨橄欖油，好香好惹味，而三文魚肉質嫩滑！
去到尾聲，廚師也跟進我們玩一些小遊戲，蛋白餅以液態氮將它打成粉末，食進口裡，就會鼻及咀噴煙，好搞笑好好玩！
薄荷朱古力水晶球（HK$35）
最後食埋個甜品！
甜品都係晶球化作用製成，綠色的就是薄荷汁～
水晶球即是水信玄餠，質感似Jelly，不過就偏硬身一點，本身也沒有任何味道，所以旁邊的調味是必須的！
後記：
這個平價的分子料理真係又好玩又好食，值得一試！
＊我也拍了一條短片，有興趣可以到我Facebook Page參觀 :)
Three Dice Kitchen
地址：銅鑼灣禮頓道136號希雲閣地下2號舖
＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊
歡迎合作試用．邀稿．出席活動．化妝工作
Wing Ho
Facebook : www.facebook.com/fingyanwing.makeup
Instagram: FINGYANWING.MAKEUP
＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊
沒有留言:
張貼留言