♥R&W♥ 婚享 #8：屬於我們可愛又夢幻清新花車 ❣ 餓o靚之VAN【文末有介紹優惠】

忙足大半個月終於可以再同大家婚享下籌備婚禮的事項啦，今次主題就是｢屬於我們可愛又夢幻清新花車｣

先多謝大家對我的婚享感興趣，令我第一次登上人氣同學榜，真係受寵若驚呀！多數妳地喜歡我的婚享！我就算幾忙都要吱D時間繼續同大家開心Share♥

如果大家見到我好耐都唔覆，不妨直接PM我，因為有時太多訊息未必即時Check到！

花車這回事其實一開始覺得有點雞肋，因為本身男友的兄弟是有車的，基本上當日的交通不成問題，即使唔租車都無咩問題，最多都係租多架28座小巴！

花車在早拍晚播中都會佔左一席位，所以一架吸晴的花車比較普通到唔普通的私家車真係天同地比～

因為我跟男友對當日的攝影同片段都十分重視，因為絕無Take Two，又係｢一世人一次｣這回事（呢句說話真係令好多人都會乖乖俾錢），就令我萌生租花車這回事！

一開始就係去行金都是順手拎下D相關資料，同大約睇下價位如何，話雖是｢一世人一次｣，但作為精明小資的準新娘，格價是必須的！

選擇花車除左價錢之外，信譽其實對我黎講都相當重要～

曾經聽過朋友分享，花車當時臨時No Show／壞車安排唔到第2架車等，真想像到個情況出現會有幾麻煩

大家都知道出門入門都有個吉時，即使唔係擇左吉時都要安返時間表去出門入門，否則一天的時間很容易就耽誤了！

於是就係呢個平台睇各位準新娘婚享同埋問身邊有經驗的朋友，而我們已經一早心儀餓o靚之VAN（麵包車），所以就開始著手做下功課搵下資料啦！

以下分享的車都是來自唔同的公司/單位的，如果想要資料可以再PM我，因為我是純分享，沒有任何廣告成份，我真金白銀自己俾$架！

1)  桃紅色

＊以下相片都是來自他們的Facebook平台，如有冒犯，請通知刪圖

呢架車係呢度WOW友的新娘子介紹的，桃紅色又是餓o靚之VAN正係我杯茶～

而且個車牌仲好有意思～問左價錢都覺得好合理地平，仲有用家評價好好，是車主自己會揸車的，仲好有交帶，呢個令我十分加分！

而車主仲有其他色的餓o靚之VAN選擇添～不過最多人揀都應該佢桃紅色呢架！

但基於我地婚禮的主題是屬於小清新Warm Tone的色調，這架桃紅色餓o靚之VAN就來得太Sharp，入鏡好似唔係太夾～

而且這睇下車主另一架，是灰藍色的這架車，亦都有問店主拎多D大相睇，冇咁Sharp的色好似幾岩我地個主題，但又冇心動的感覺！

2)  香芋紫色

＊以下相片都是來自他們的Facebook平台，如有冒犯，請通知刪圖

在上面果間Facebook發現到淡紫色的這架，一問之下原來是屬於第2位車主，樓上的車主亦都毫不介意立即跟我分享他們的聯絡方法 Thanks! 樓上的車主!

紫色的粉嫩色調比較接近我們的婚禮主題，也有問過價，價錢都好合理～

不過本人對粉紫沒有太大興趣，於是繼續死心不息的周圍搵！

3)  粉紅色

經朋友的朋友介紹下，就認識左另一間信譽比較好的花車，他們早年婚禮上的花車也是Book他的車～

他們的車款比之前兩間都要多，比較常見的倫敦的士或其他復古車都有，不過價錢是3間之中是相對貴了一點！

＊以上相片都是來自他們的Facebook平台，如有冒犯，請通知刪圖

價錢對於我來說是其次，車款同信譽係首要條件，在他們的Facebook一眼看到這些新人回相，我立即雙眼發光加心心眼，再加上是我心目中的餓o靚之VAN又是粉紅色（粉嫩色調），車牌仲要好有意思，仲唔係我杯茶♥ (好似Kinder出奇蛋咁滿足左我三個願望) 

結果跟男友商量左一陣，加上朋友的意見後，當然要立即約去睇車啦～

以上是我的實拍圖，比上面經過調色的相片比較Sharp色一點，但係我都好心心眼啦～

有冇留意到呢架車要上面果兩架車有少少唔同，車身係比較長一點～

而職員亦都告知花車公仔都可以掛在車牌上的位置，我仲考慮緊用唔用公仔（因為公仔要在車外吸塵，好可憐呢）

＊以上相片都是來自他們的Facebook平台，如有冒犯，請通知刪圖

而車內的因為當日睇車太暗拍不到，在他們的Facebook上找一張新人回相俾大家看看，入面都係粉紅色為主，有少量的裝飾，而且車內的空間很大，攝影師都可以有足夠的空間由車前面影我地啦！

睇完車十分滿意就諗都冇諗落訂了～

即使貴了一點也覺得十分值得，因為呢架車真係中正我的要求，而且十分吸晴呀

同一個停車場佢地仲泊左好多唔同車款係度，我都冇睇哂，只係影左一兩張～

＊以上相片都是來自他們的Facebook平台，如有冒犯，請通知刪圖

仲有一架桃紅色倫敦的士都係好受新人歡迎架（不過當日去左例行檢查，就係佢Facebook搵張圖俾大家睇睇啦！）

最後，我訂了粉紅色果架～忍唔住要合照一張，太喜歡了 Big Day再見啦

如果大家對第3間有興趣的話（唔一定訂我揀果架，訂其他車款都可以），大家可以PM/留言俾我，我可以俾個資料大家去訂，你都成功用我的資料落訂的話，我地就可以一齊有折扣優惠架啦！詳細PM再傾啦

（利申：我真金白銀俾錢租的，至在開心Share，非廣告宣傳哦！）

以上都是我的用心分享，大家喜歡的就留個腳印支持下～你們的支持就是我婚享的原動力！多多指教！

＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊

歡迎聯絡合作

Wing Ho

E-mail : fingyan.wing@gmail.com

Facebook : www.facebook.com/fingyanwing.makeup

Instagram: FINGYANWING.MAKEUP

YouTube: https://www.youtube.com/c/FingyanWing

＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊