｜吃喝の享｜日本熱石拉面 ● 浜滝

九龍城出名多野食，得返媽媽跟我就叫她唔好煮飯，出去食～

近近地就去左九龍城食拉面！

浜滝是一間日本拉面居酒屋，看到好光鮮的門牌，就被吸引入去光顧了！

先睇下有咩好食先～

這裡主要提供有5款不同的拉面～

仲有不同的日本傳統小吃配菜！

仲有牆上寫住的是日推介，款式都算多～

店內不算大，不過好有日本風格，有吧枱位置，而吧枱上放滿不同的日本酒～

話到明居酒屋就梗係有酒飲啦！

究極海老味噌拉面（HK$108）

拉面遞到面前依然是煮滾的狀態，泡泡不斷冒出，原來下面有塊熱石先可以做到呢個效果！

上面有細小的蝦乾、粟米、大海蝦及半熟蛋作配料！

湯底好熱騰騰好正，湯底有好鮮味的蝦味，明顯係用了蝦來製作湯底，拉面軟硬適中好有咬口！

可能湯底味道比較正宗，味道比一般的濃厚，食到中段至尾段開始覺得有點味濃，如平時食開清淡的人可能會覺得有點兒膩！

東京風醬油沾面（HK$83）

沾面一直是好受日本人歡迎，近日在香港好多地方都有機會食得到！

冇得去日本住，就唯有係香港食下日本菜先啦！

見到有沾面就立即選擇它了～簡單說它的面跟湯是分開奉上的！

拉面上面有幾片叉燒、半熟蛋及紫菜等～

半熟蛋真係半流心狀態，好吸引！

而湯底明顯比之前的一個味道冇咁濃，好香的豬骨湯底味，仲有少少豚肉在內！

沾面食法好簡單，將拉面浸在湯底內，湯底就會掛在面上，食面的時候就可以食到湯底的味道，好正！

而先前講的熱石就是這樣放在湯底，熱石功能係可以湯底保持熱騰騰的狀態，所以慢動作進食的人都唔怕個湯底變冷，好貼心！

炸小海老（HK$38）

話雖說小海老（即是蝦的意思），但其實都有一隻手指頭咁大架！

炸到好金黃香脆，上碟時都是熱熱的，可以連殼一齊食！

仲奉上鹽及檸檬作自的調味之用，檸檬汁可以中和海蝦的腥味，而覺得炸蝦仔味道不太夠就可以沾上鹽粒啦！

不過個人比較喜歡檸檬汁，因為本身炸蝦已經有少少咸味，對我來說已經好夠味！

日本汁煮餃子（HK$48）

一碟有4隻，上面有蔥花及芝麻作調味！

餃子是以傳統的餃子汁的煮的，沒有豉油般那麼咸，好味！

餃子咬開有滿滿的豬肉及菜好香，皮薄又滑，配上餃子汁好開胃，HK$12一隻都物有所值！

大阪燒餅（HK$63）

一向好喜歡大阪燒餅，所以就點了！

上面佈滿鰹魚碎，再淋上燒汁，好吸引！

入面除了有菜之外，仲有蝦及魷魚，味道剛剛好，配埋鰹魚碎一齊食真係一流，好吃到要和媽媽爭食！哈哈！

後記：

好多人都知我係一個不折不扣的哈日族，在香港都經常去食日本菜～

香港開了好多過江龍拉面店，雖是有小食，不過都沒這間咁有日本風格，好似返左去日本當地的居酒屋～

有小吃有酒飲，仲有一些小食是專係用黎送酒一齊享用，好正！

下次一定再來！

浜滝

地址：九龍城福佬村道59號地下A舖

Facebook： https://www.facebook.com/hamataki

 

＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊
歡迎合作試用．邀稿．出席活動．化妝工作
Wing Ho
E-mail : fingyan.wing@gmail.com / fingyanwing.makeup@gmail.com
Facebook : www.facebook.com/fingyanwing.makeup

Instagram: FINGYANWING.MAKEUP

＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊