2016年2月26日 星期五

|吃喝の享|平凡的幸福滋味 ❤ Wing’s Kitchen

新年及西式情人節都過了~沒有藉口去食餐好?你就大錯特錯了!

今年是跟男友準備步入在一起的第11個年頭,大時大節我地都已經唔會跟風同其他人出街迫,同埋捱貴餐,或者是互送昂貴的禮物~
無謂為左要"曬"一時的幸福而同自己的錢對著幹啦~對不對?

所以我們就選擇了一個平平無奇的晚上去食餐好,一來又經濟D,二來又唔洗其他人迫同爭位!
我在尖沙咀返工,每天搭車都會見到跟我一樣同名的餐廳Wing’s Kitchen」已經很想找天來試試~
目標明確,又怕去到沒有位,所以我就預早幾天Book了枱,男友就等我放工一齊去食晚飯啦!
Wing’s Kitchen近尖東那邊,在寶勒巷的街尾,在尖沙咀MTR P3 出口步行幾分鐘就到達,地理位置好易搵!
去到坐低就梗係睇餐牌啦~

餐牌除了有好多不同的菜式可以散叫外,還有1, 2, 4, 6人及8人的Set Dinner,比較過叫Set Dinner化算一些!
我們就點了這個HK$428Luxury Set Dinner,有前菜、餐湯、主菜、甜品及餐飲!
餐廳在環境比較西式優雅,座位之間唔會太迫,仲有一邊係Window Seat

餐湯:磨菇忌廉湯
餐湯是白湯,即係磨菇忌廉湯,磨菇湯好Creamy,味道不會過咸或過淡,入面仲有好多配料,有磨菇粒和薯仔粒,富有口感,好驚喜!
但可能天氣比較冷,遞上湯時熱度不太夠,如果可以再熱一點會更好!

前菜:帕爾瑪火腿沙律配香醋汁
沙律菜好新鮮爽口,配上幾片矜貴的帕爾瑪火腿,帕爾瑪火腿帶點咸味,再混上微酸的香醋汁,令人胃口大開,是一個好開胃的沙律前菜!

餐飲:朱古力特飲
跟餐是包熱的咖啡或茶,如果要轉果汁或凍飲要另加$3,其他特飲或Mocktail就要另加$15,再高級DHouse Wine就另加$20
我們就點了朱古力特飲,因為我是朱古力控,所以見有朱古力飲就二話不說選了!
而朱古力特飲上面有滿滿的Cream,拌勻Cream之後,朱古力飲落就會更滑更Creamy啦!


主菜:8安士美國頂級穀飼西冷扒
這是男友點的西冷扒,跟扒可以選配薯條/薯蓉,我們就選了薯條~
 
西冷扒點了5成熟,而旁邊有些蔬菜菇及車里茄做伴碟~
西冷扒不算厚身,不過面積幾大,份量好足夠,而西冷扒的厚度可能比較薄身,煎得有點過火至8成熟,不過也是不錯,好有牛味,易咬開,咬開時肉汁也很Juicy,正!
西冷扒跟了薯條,份量好多呀~而且炸得好脆口,正!

主菜:黑松露醬鮮帶子意大利燴飯
極喜愛食意大利燴飯的我就點了這個,完全是我杯茶,更有帶子及黑松露醬,沒可能不點這個!
上面有3粒好厚身的帶子,外面煎到微香,而帶子入面是Keep住生的,半生熟的帶子好Juicy好有口感,又有帶子的鮮味,正!
上面再曬上少量芝士片作點綴!
意大利燴飯是微帶芝士味的白汁煮成,再將黑松露醬混和意大利燴飯,燴飯的熱力慢慢將黑松露醬的香味散發出黎,好香黑松露味,食完一口接一口停不下來,而飯粒煮得剛剛好,不會過硬或過淋,好正呀!

是日甜品:士多啤梨布甸
這個甜品超有驚喜呀!本來對它沒有太大期望,但食落有好香的士多啤梨味!
Q彈的布甸好香好滑,上面再淋上少量的士多啤梨醬,連少吃甜品的男友都大讚這個布甸好出色!

後記
平時我們去一些比較高級少少的餐廳食西餐都比較偏貴,不是人人都可以負擔得到,而這間平凡的餐廳價錢屬中價,都竟然有出色的西餐可以品嚐!
雖然當晚餐廳內客滿,但侍應都能每枱照顧到,續一上菜,不會一次過上哂枱,讚!

不需要特地應節才可以去嘆有質素的西餐,平日偶爾跟另一半去這些中價的西餐食餐好的浪漫一下,給大家一個獎勵,才會有動力繼續工作!
P.S. 如果要星期六日晚上前來用餐,如果不想摸門釘,記得盡早訂枱,因為我們當晚都已Full Booking,不接受Walk In客了!


Wing’s Kitchen
地址:尖沙咀漆咸道南45-51號其士大廈地下CD

**********************************
歡迎合作試用.邀稿.出席活動.化妝工作
Wing Ho
E-mail : 
fingyan.wing@gmail.com fingyanwing.makeup@gmail.com
Facebook : 
www.facebook.com/fingyanwing.makeup
Instagram: FINGYANWING.MAKEUP
**********************************

沒有留言:

張貼留言