繼上個月出完一篇試衫記得到大家的支持！今次繼續開心Share啦！
<回顧> 試衫記（I）: https://wow.esdlife.com/space.php?uid=73829&do=blog&id=373839
忙完一陣子，星期六我又拉男友陪我去試衫啦！
呢間婚紗店其實年多之前去影Pre-Wedding時都去租過裙架～它們的裙性價比好高，之後有優惠Package我JOIN不到>_<（是因為婚期未定）
今年，我婚期終於定左啦！YEAH！
一直都有留意它們的裙款，款式愈出愈靚，愈黎愈心心眼～最近見到佢地Facebook返左唔少新款，仲要地鋪搬到上去樓上鋪，店舖面積太多兩倍都有，當然把握機會上去試裙啦！（因為它們正做緊新舊客共享優惠呀♥）
唔講咁多廢話，立即去相！
1) 華麗大拖尾婚紗
在Facebook看到它們的DEMO我已經十分心心眼了，所以這件Bookmark左一定要試身！
大拖尾真係好有氣勢，進場十分有震撼感，而且裙款正面好有公主感覺，不過大拖尾有個缺點就係穿上之後走路同郁動都不便，而且感覺裙身比較重身，如果穿上進場有轉彎位可能需要1-2位姊妹幫手鋪好裙尾！
而裙擺有少少透裸粉色，好特別，上面的Lace同仲少少閃閃的效果十分華麗，而最特別就是就肩帶旁的珠鏈，可以修飾手臂之餘，仲有點溫婉的感覺～
腰間的的珠珠同Lace亦都十分漂亮，背面露半背，帶有少少性感的味道，好靚呀！♥V♥
2) 性感Lace半魚尾裸色拖尾婚紗
呢一條係新裙黎架～連DEMO都未影就俾我試穿啦～
著左之後好有驚喜，好有眼見一亮的感覺，因為我身材均勻，所以好多朋友都建議我穿魚尾，呢條半魚尾都超級靚呀！
上面的Lace及透出裸色的婚紗，只看背面已經好吸晴，而到前面係DEEP V的設計（怕羞！因為太怕羞用少少頭髮遮一遮先出俾大家睇）
全條裙都係用同一款大花的LACE，腰間都好修身，最亮點都係在DEEP V果個位（掩面）
由後面到前面睇360度都一樣咁靚，雖然沒有閃閃的效果，真係整體感覺好靚好靚同好靚呀♥V♥
3) 簡約Lace魚尾短拖尾輕婚紗
這條都係魚尾款，一望就係比較乾淨簡約輕盈的款式，我被它的大露背吸引，而吊帶款的魚尾～
中間都有穩約DEEP V的效果，不過性感程度就沒有上一條來得多，比較適合一D唔想太曝露，又想有點睇頭的新娘穿著！
小拖尾的Lace都以花草為主，好適合草地證婚／去草地影Pre-Wedding！
4) Lace大露背魚尾婚紗
試到第3條魚尾款式，呢條同上面有條立眼望有點似，而DEEP V位置都係比較穩約的～
重點就是大露背位置，整條裙都是以葉形的Lace款式，連大露背的肩帶都是，交叉的位置比較吸晴，雖然沒有閃閃的效果，但就可以盡Show身材啦！
5) 田園風珠片魚尾婚紗
又係魚尾呀！比較鍾情魚尾的款式，呢件係過頭笠的魚尾，真係多一點肉都著不下～身上的珠珠造工好細緻，而且腰間是半透的，穩約露下一點小性感～
而長長的拖尾十分有田園風，加上身上的閃片設計，令到成個感覺好Bling Bling好有優雅又華麗～
而背面的大露背一樣很美，肩帶是都珠珠製成，細少到連咁幼的肩帶都有Bling Bling效果，太美了吧！
6) 粉紅色夢幻A-Line晚裝裙
這條粉紅色A-Line晚裝裙我第一次在它們的Facebook睇已經好喜歡，一向愛好粉紅色的，呢條感覺好有公主夢幻的感覺！
雖然裙上沒有閃片/珠片，但係裙擺上的Lace好靚，而且裙邊是有荷葉邊的設計，是我很喜歡的一個位置，穿上身又唔會太累聚，行動都十分自如～
而肩帶都有幾個方式配戴，可以按唔同的喜好加減改動，我自己就比較喜歡有齊兩條肩帶的設計，可以為全身加多一個焦點位置～
粉紅色係好蝦人著，我膚色比較白，著得好好睇，所以呢條超喜歡呀！♥V♥
總結一下我一共試左6條裙，5條婚紗，1條晚裝～
我自己最喜歡就是1, 2,6！點算呀！有選擇困難症呀（掩面）
邊條做證婚婚紗好？進場同證婚果條一樣定唔一樣好？（其實仲有敬酒裙都未試到）
條條都咁靚～真係十萬個為什麼係個腦入面！大家不如俾D意見我呀！
以上都是我的用心分享，大家喜歡的就留個腳印支持下～你們的支持就是我婚享的原動力！多多指教！
＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊
歡迎聯絡合作
Wing Ho
E-mail : fingyan.wing@gmail.com
Facebook : www.facebook.com/fingyanwing.makeup
Instagram: FINGYANWING.MAKEUP
＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊
沒有留言:
張貼留言