作為一個貪靚的女生，每天都會花時間照顧臉蛋，也會照顧到自己的秀髮，出門前都要花點時間整理頭髮，要打造美美的秀髮，由洗護至造型都缺一不可～
市面上的美髮工具不少，自己也入手過由幾廿蚊至到幾千蚊的工具，真係可以話係一分錢一分貨，但係價位太高未必人人都可以負擔到，最近來自日本的KOIZUMI全新推出左兩款美髮工具，價位好親民，而且親身試過效果一D都唔會比貴價品牌遜色，分別是炫亮負離子直髮器及MONSTER系列雙渦輪旋風風筒，助你做出不同髮型！
MONSTER系列雙渦輪旋風風筒
HK$698
這款風筒備有3色選擇，分別是金色、黑色及紅色，作為長髮的我每天都要用到的風筒我真係特別講究，因為怕溫度太熱會辣親頭皮亦會搞到頭髮過於乾旱，風力唔夠我要花好多時間吹整，太重我對手拎得耐又會好攰～
而呢一款就一次過解決左我以上三個對風筒的要求，它有三大優點：
1. 特大出風量
風筒採用雙渦輪旋風設計，製造特大出風量，每分鐘送出高達2.0立方米的風，可以快速吹乾頭髮，省時方便～
而風筒同時配備4種按鍵模式，包括渦輪、高速、低速及冷風，輕鬆交替冷熱風！
2. 四個負離子出口
岩先講過好怕D熱風會傷到頭皮同頭髮，它帶有4個負離子出口，吹髮同時護髮，減少頭髮的靜電，而4個出口令負離子可以完全覆蓋髮絲，令毛躁頭髮更貼服、易梳理！
3. 輕巧方便設計
雙渦輪旋風風筒擁有可摺式手柄及可拆式進風罩，設計輕巧方便，而風筒採用流線型設計，方便收納之餘又不失時尚感，更有3種顏色選擇，切合用家需求及喜好！
Salon
Sense 300負離子直髮器
HK$658
而講到幫頭髮造型，直髮器一定唔少得，其實只要學懂一點技巧，直髮器都可以打造卷曲浪漫的造型～
這款直髮器有兩色選擇，個人私心喜歡直髮器多D！
而的陶瓷燙板經過多重加工處理，性能好兼配備矽膠墊，有助溫和拉直秀髮或捲曲，頭髮更不會打結或扯斷～
陶瓷燙板令溫度平均分佈，即使調校至最高溫度，亦可保護頭髮免受高溫傷害，輕鬆打造不同亮麗髮型！
細心一睇，原來陶瓷燙板及從機身輸出之負離子，係好多直髮夾做唔到的，可以造型同時撫平毛燥，令頭髮更加貼服～
而當負離子進入髮絲表層組織，負離子與空氣中的水分混合，滲入頭皮及頭髮，令頭髮變得更有光澤和柔順！
而它亦有有5段溫度調校，分別是120、140、160、180及200℃，並配備溫度鎖定功能，高精準溫度可以輕易為秀髮塑型，配合不同場合～
值得一提就是直髮器另配備自動斷電功能，確保用家安全，不過忘了關機已致長時間開著！
發佈會當日有髮型師都即時示範用直髮夾打造浪漫的髮型～
即場試過真係效果唔錯，而且價位好親民，性價比高，如果大家正係考慮緊入手風筒／直髮器可以考慮一下！
#KOIZUMI
#MONSTER #SalonSense300
是次活動、產品及資料由品牌提供
免責聲明:
本文章所發表的全部內容均屬個人意見及感受，並不代表該品牌／公司之言論及立場。
如需協助，或希望獲得更多有關產品資訊，請直接聯絡該品牌／公司查詢或尋求相關專業意見。
＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊
歡迎合作試用．邀稿．出席活動．化妝工作
Wing
Ho
＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊
沒有留言:
張貼留言