放題的食店大多是以量取勝，食物質素只會排第二～
我是不折不拉的哈日族，除左魚生壽司之外，日式燒肉也是我所喜愛的～
心血來潮想吃燒肉，又唔想顧慮太多價錢問題，就選一間放題為主的食店光顧，就來到位於尖沙咀「燒魂」！
它的收費是分時段，平日、星期五六日及公眾假期的價錢都有所不同！
而我就在星期日6-8pm時段光顧，價錢HK$258一位另有加一服務費！
一進店就擺滿日式的擺設～
店內大部份都是卡位為主，而天花就設有抽風系統，所以店內沒有焗促感，感覺時尚整潔！
我們就安排坐在卡位，真係已經好肚餓，就開始點菜啦～
跟平時的放題沒太大分別，有不同的點菜單，款式原來有很多，除了燒肉外，平時日本料理放題食到的款式通通都有得食！
唯一的問題就是這裡是任食，但不是任飲的，每人只包一罐飲品，如果要多叫就要另外計錢啦！
先來一盤刺身，以冰鎮墊底，保持刺身一定的溫度！
吞拿魚刺身好厚身，好鮮味！
而三文魚刺身都好新鮮，一點雪味都沒有，啖啖肉！
香草牛油粟米粒
每次放題都必叫的，粟米粒好甜！
炸物／天婦羅
點了幾款天婦羅及炸物，仲跟埋天婦羅汁～
炸粉不算太厚，不錯！
田舍辛辣魷魚鬚
出奇地好味的一碟魷魚鬚，醬汁好惹味，不太咸，而上面還有灑上熟蒜粒，好香！
而魷魚鬚好爽口彈牙！
南瓜忌廉湯
好少可放題會飲到南瓜湯，就即管試下！
南瓜湯比想像仲普通，南瓜味不算香甜，味道只屬尚可，還可以吧！
創作及火灸壽司
我們點了幾款，分別有水蜜桃花之戀、黑松露鮮帶子、黑椒蒜香和牛及汁燒帶子！
每款都好好味，好特別，而我最喜歡水蜜桃花之戀，清甜的水果配上鮮美的三文魚，口感豐富之餘，味覺都有另一番感覺！
凱撒沙津
因為知道食燒肉比較油膩，所以就叫左碗沙律，沙律菜好爽甜新鮮，混合沙律醬一齊食好開胃！
之後就到重點啦～
食燒肉又點可以唔叫肉呢～當然就點我地至愛的牛類，款式都幾多！
分別有黑毛霜降和牛、汁燒安格斯一口牛、黑椒一口牛肋肉、青檸蒜味牛舌、薄切牛舌、蔥蒜醬油牛肋肉、原切牛舌、熊本一口和牛及牛裡肌！
其實每款都好好食，好香牛味，不過最特別喜歡的就是黑毛霜降和牛及汁燒安格斯一口牛，肉質好嫩，燒至7-8成左右都唔會UN，咬開肉汁都湧出來，好正！
而牛舌好爽口，不過要好好控制火喉，如果燒過龍就好易變UN了！
除了燒肉外，還有蔬菜類！
翠玉瓜、有機白磨菇及一口甘薯，沒有特別的調味料，但燒過後不錯！
仲有海鮮添～可惜當日的香草牛油帆立貝賣哂，所以無緣一試了～
其他海蝦及日本小玉貝不錯，不過小玉貝就比較細小！
而肉類還有雞及豬選擇，款式都幾多～
有不同口味的醃料，黑椒口味特別惹味！
最後，職員特別廣播如果當日最快Upload相片上Facebook的頭5位，就可以得到呢碗限量的焦糖燉蛋，當然我都唔執輸嬴到一碗返黎～
不過焦糖燉蛋就唔似一般食到的，質感似日式蒸蛋多D！
後記：
日本料理放題就間唔時食，燒肉放題真係第一次食！
想不到不只各款燒肉，連其他日式料理刺身炸物小食等都一應俱全！
一次過滿足哂幾個願望，加上食物質素及燒肉的質素完全唔比單點的食店差，唔想下下計住計住，真係唔錯的選擇！
燒魂
地址：尖沙咀漆咸道南57-59號金馬倫中心2樓
Facebook：https://www.facebook.com/GutsSoulTST
＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊
歡迎合作試用．邀稿．出席活動．化妝工作
Wing Ho
Facebook : www.facebook.com/fingyanwing.makeup
Instagram: FINGYANWING.MAKEUP
＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊
沒有留言:
張貼留言