｜化妝の享｜不沾手快上手妝容 ● 韓國OSÈQUE 彩妝品

認識我的朋友都知道，平時的我真係好少化妝，無他既…一個字：懶！（偷笑）

所以我多數選擇的粉底都是以多功能為主，所以BB Cream / CC Cream / BB Cushion一向都是我的心頭好！

不時真係不能不讚嘆人類的智慧及頭腦，永遠都有估不到的新玩意～

早前就收到一支轆轆粉底同埋一支好特別的睫毛膏，又好玩又好用，就等我分享一下啦！

品牌的產品都是有透明膠封口，確保產品是第一手全新產品～

第一件先介紹粉底產品啦～

OSÈQUE HIGH-END TOUCH

寶石光彩立體轆轆粉底SPF34 PA++

HK$160/30ml

來自韓國的品牌OSÈQUE擁有多款革新產品，推出市面後均引起不少迴響，其中皇牌產品寶石光彩立體轆轆粉底HIGH-END TOUCH SPF34 PA++，以革命性滾輪設計，結合化妝掃與粉底，打破舊有底妝程序，極速上妝、省時方便，更可節省化妝袋空間，非常適合現今忙碌的都市女性！

產品分別有21 Light Beige亮白及23 Natural Beige 自然色選擇，比較適合亞洲人的膚色，如果膚色較黑的話就未必合用了！

而我收到的是23 Natural Beige 自然色～

產品特點：

-    配方能有效抑制油脂，保持肌膚水油平衡，不易浮粉

-    抗菌滾輪設計，清爽不粘膩

-    上妝效果自然、服貼、持久

-    保養精華成份，用後水潤亮澤

-    有效遮蓋黑眼圈、幼紋等瑕疵

產品包裝及產品的底部都印有產品有效日期，文字的黑色的，要比較細心才可以看到！

話到明係轆轆粉底，梗係有轆轆啦！

產品配合抗菌滾輪設計，為用家帶來前所未有的輕透貼服妝容體驗，清爽不粘膩～而轆轆是海綿質地，使用方法：

1. 使用時按一下左面按鈕，粉底液會溢出於滾輪上

2. 以滾輪把粉底液均勻塗上面部

3. 滾輪可以隨時拆出，定期清潔

按下按鈕，粉底液會溢出於滾輪上，就可以開始使用啦！

寶石光彩立體轆轆粉底HIGH-END TOUCH SPF34 PA++集美白、防曬及抗皺功能於一身，成份採用RonaFlair®藍寶石因子、蜂膠、二裂酵母發酵產物濾液及6種植物成份，賦予肌膚亮澤光采，同時保持妝容持久度！

粉底顏色跟我的膚色比較接近，用後肌膚都唔會太乾身，好貼薄！

碌呀碌呀碌呀！直接碌上面都可以了！

唔好睇佢個轆轆好似好大咁，其實佢用於小面積的位置，如鼻翼的位置，都可以用得到～而且碌上面時可以平均每轆上面的份量，做到好貼薄，仲冇粉痕添！

產品的遮瑕力還可接受，如果有太多瑕疵的未必可以完全覆蓋，要再用遮瑕膏！

它的色調跟我本身的膚色好接近，好自然！

鼻翼的泛紅位置都遮蓋了，整個面色都均勻了～

只需要30秒就可以完成一個透薄自然的底妝，全程都唔洗用任何其他道具及手指就可以完成！正！

用完之後，可能有少少粉底痴左係邊位，可以用紙巾抹乾淨～

仲有呀！記得轆轆要定期拆下來清洗呀！

保持衛生都係對皮膚一種負責任的態度黎架！

第二件介紹就是睫毛膏：

SHOWKING MASCARA

女王纖長防水睫毛膏

HK$100 / 4g

睫毛膏好特別，有獨特創新35°斜角筆頭，完美設計配合眼部幅度～

特點：

-      35°筆頭配合17根刷毛，即使重複塗搽，睫毛仍能根根分明

-      有效修護及加强接駁力，令睫毛更加堅固

-      防水防油配方，並以溫水即可輕鬆卸除

-      睫毛液添加精華，使用睫毛膏同時保養睫毛

-      底部旋轉出睫毛液設計，簡單方便，用後仍能保持筆頭潔淨

使用之前記得要將睫毛夾至太陽花般，之後旋轉扭動底部，把睫毛膏擠出～

就可以由眼頭至眼尾分開三段式的把睫毛塗上睫毛膏～

未用之前的狀態是向下，有少少不精神及下垂感！

使用過後，睫毛立即變得卷曲翹起，眼睛變得有神及有放大效果添！

總結：

兩件彩妝品的設計都是我第一次接觸到的，好特別～

特別的設計，可以令我們化妝時更得心應手，好喜歡轆轆粉底不用沾手，也不用任何功具就可以上妝，也喜歡睫毛膏的梳頭設計，可以塗睫毛時順手把睫毛梳到根根分明，唔洗痴埋一堆！

喜歡韓國彩妝品的妳們，不妨一試哦！

銷售點：全線莎莎門市有售

產品及資料由莎莎提供

免責聲明:

本文章所發表的全部內容均屬個人意見及感受，並不代表該品牌／公司之言論及立場。

如需協助或希望獲得更多有關產品資訊，請直接聯絡該品牌／公司查詢或尋求相關專業意見。

＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊
歡迎合作試用．邀稿．出席活動．化妝工作
Wing Ho
E-mail : fingyan.wing@gmail.com / fingyanwing.makeup@gmail.com
Facebook : www.facebook.com/fingyanwing.makeup

Instagram: FINGYANWING.MAKEUP

＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊