由Book場到宜家已經3個多月，準備開始要倒數一周年～
呢3個月都落實左好多大Item，係時間輕鬆一下準備過年後再開工！
不過護膚呢一環真係唔可以放慢手腳，事關良好肌膚的狀態都唔係一時三刻可以急救到，黎緊要去台灣影Pre-Wedding，所以都想Keep好皮膚狀態，上妝都要貼D無瑕D，單靠平時塗抹護膚品真係唔夠！
最近同時準備緊Wedding的姊姊介紹我去試做一個名為「Skin Pro韓國皮膚專家」，佢話做完好有光澤水潤，素顏肌膚都亮白左精神左，仲有緊緻效果添，講到好似好好咁，我立即心心眼約左去嘆下！
呢個Treatment主要係可以淨化排毒、皮膚肌肉提升、通淋巴去水腫、保濕、提升皮膚膚質，一個Treatment滿足哂多個願望，絕對係各位準娘子要影Pre-Wedding／大日子前的不二之選！
#因為我想睇下係唔係真係咁正，所以就拍下照想跟各位準娘子姊妹開心Share下！嘻嘻！
Treatment主要係用一部儀器多個功能的導頭進行，先簡單潔臉卸妝清楚臉部，美容師就先一支帶有透過微電流的導頭，夾住一張沾濕的化妝棉係臉上面碌下碌下！
這個步驟係可以導出皮膚內的油脂及老舊角質等，我平時經期下巴都要生粒粒／生瘡，而額頭都有D暗粒，所以美容師都集中係呢D位置碌多幾下！
嘩！真係唔好以為皮膚表面咁乾淨，碌完張化妝棉都灰灰黃黃咁，真係唔敢想像呀！
之後都係導出的部份，今次轉上好似刀頭的導出儀，以超聲波再次深層地將皮膚內的黑頭粉刺及油脂粒推出黎，係導出時，儀器會發出一些高頻的聲音，有D人可以唔喜歡，但個人黎講係可接受！
又睇下做完之後，清水都變左混濁了！OMG！真係唔導出唔知自己肌底咁多污垢！
之後就轉用另款導頭，以微電流幫皮膚肌肉提升，通淋巴去水腫～
睇下做完一邊面頰都緊緻提升左，蘋果肌都有輕微向上提升呀！
最後一步就係導入同Fu Mask啦～
以導入儀導入膠原透明質酸精華，而且就嘆個微電流面膜，微電流令面膜養份更吸收，美容師會按各人的按能力調較電流量，不過我覺得同普通Fu Mask冇咩分別，冇特別太大感覺！
成個Treatment一個小時多D就完成啦！
大家睇下我本身皮膚已經唔錯，做完更加水潤有光澤，白淨左，面頰緊緻不少添呀！
做完Facial仲有碗免費糖水滋潤下，實在太過貼心啦掛！
綜合以上，我覺得呢個Treatment真係值得一試，真心讚！
我仲膽粗粗咁問左佢地，如果有準新娘想試呢個Treatment有冇優惠價可以Offer到，答案係有架！大家有興趣留個言／PM俾我啦！ :)
新年同大家講聲新年快樂～青春常駐～身體健康～一齊做個靚靚新娘子啦 :)
戴翻個頭盔先～利申：這個Treatment我是自費的！無收任何廣告費架！你去預約之前最好問多幾句，睇下自己適唔適合先做呀～始終人人皮膚性質都唔同ma～ 大家一齊努力做個靚靚新娘子啦 :)
以上都是我的用心分享，大家喜歡的就留個腳印支持下～你們的支持就是我的原動力！多多指教！
＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊
歡迎合作試用
Wing
Ho
＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊
沒有留言:
張貼留言