｜吃喝の享｜韓式Afternoon Tea ● 炑八韓烤

上星期跟男友到旺角行街拍拖，因為我們食了一個豐富的早餐～

所以飽到Lunch都冇食，行到3點幾行到腳仔開始攰又覺得肚餓～

咁岩行過太子就俾一張好Colorful的Poster吸引著，於是就豪不猶疑走進去了～

「炑八韓烤」應該主要以韓燒為主，聽侍應介紹，原來近日就推出了特別的西韓式Fusion的下午茶～

食店位置地庫位置，要行一層樓梯～

進店內座位都幾多，好多韓式燒烤風味的，每張枱都有個烤爐及一支抽油煙的設備～但今次我地係食Tea，所以就得個睇字啦～

座低就梗係要睇下Menu有咩野食先！

下午茶餐有8款，由HK$42-HK$78不等，下午茶時段仲可以加HK$10就可以轉特選飲品，再加HK$20就可以點多一個韓國特色的冰沫！

每枱都有各類調味料及水一支！

想不到食下午茶都會有前菜免費提供，分別有泡菜、醃白蘿蔔～

泡菜不錯，辣度適中，能吃小辣的人是可接受，不過個人比較喜歡泡菜伴白飯會比較好！

而醃白蘿蔔明顯比較酸，我是怕酸的人，所以食了一片就無再佔過啦！

 

接著是海帶及芽菜～

海帶也是帶是醋的，海帶爽口帶微酸，幾開胃！

而芽菜就是我的最愛，沒有酸味沒有辣味，帶是咸的調味，應該不太愛食韓式菜的都會接受到！

點了餐後，侍應就奉上一碗海帶豬肉清湯～

需要是送的，但入面的材料都幾豐富，湯好清甜，不過熱度不夠，如果加返熱少少就比較好！

士多啤梨梳打（餐加HK$10轉飲，下午茶是無限添飲架！好抵飲！）

士多啤梨當然是我的最愛啦！

一大Jar 的，容量超多，仲有支好可愛的膠匙～

入面有半粒新鮮士多啤梨，而底下就有士多啤梨蓉，飲之後搞勻先，咪只飲底部會偏甜，飲落精神為之一振，好香士多啤梨味，好正！

柚子檸檬梳打

這是男友點的，飲落味道明顯比較清，沒士多啤梨梳打的甜～

有好清新的檸檬柚子味，幾開胃！

海鮮豆腐湯配壽司（HK$52）

 

一片橙紅的湯底，好似好辣咁，我跟男友都不能食太辣，心想是否點錯餐，哈哈！

食落又唔食咁辣wor～湯底有點似韓國辛辣面的味道，好香好惹味，辣度適中～

入面就有豆腐，各類海鮮，有海蝦～

八爪魚、帶子及青口等，雖然是下午茶，但份量確實比想像中多！

跟餐還有10件韓式壽司～

壽司卷上有少量芝麻作調味～

入面卷有黃蘿蔔、青瓜、豬肉及紅蘿蔔～

口感爽口清甜，一口一粒，不知不覺一人吃了5件就有點開始飽意啦！

炑八炸雞（HK$78）

話說我是第一次食韓式炸雞，成日見朋友食，今次終於可以試到啦～

一碟有十件左右就雞塊～份量以下午茶來說也算是多～

而上面還有一串4粒的韓式年糕，也是輕鬆炸過的，外脆而咬落是年糕獨有煙煙韌韌的質感，好有口感，上面更配有黑芝麻，味道帶微甜，好味！

 

話到明炸雞當然是炸的，表面的炸粉剛好不太厚，脆口的表面，咬開雞肉肉質嫩滑，再配上帶點辣的酸甜醬，有點於泰式的酸甜醬，酸酸甜甜好開胃呢～

朱古力棉花冰沫（原價HK$68，惠顧下午茶加HK$20就可以啦！一個字：抵！）

這個甜品是今餐最有驚喜的！

一大碟上碟，知道我們是2人Share食，就準備了兩個小碗及小匙給我們～

好奇什麼是冰沫，我也是第一次試ja～

一大碗冰沫，上面鋪滿朱古力味的餅碎，中間有Cream，Cream上面有一塊Oreo及兩支百力滋作點綴，仲有有幾粒朱古力蛋糕添！

下面有由一層好似棉花咁輕的冰沫及朱古力味餅碎梅花間竹盛載著～

甜品另附上一小碟煉奶，可以倒入冰沫伴勻一齊食～

將朱古力味餅碎、冰沫、煉奶伴勻食用，好正呀！

冰沫唔似平時食到港式的棉棉冰咁，它的冰沫真係整到好似棉花咁，入口即溶，連平時好怕食刨冰的我都覺得呢個冰沫超讚！

仲有其他3款口味：Oreo冰沫、炑八豆粉紅豆冰沫、宇治金時冰沫

呢個甜品黎到真係唔食唔得架！超推介！

後記：

想不到誤打唔誤撞就入到去呢間韓國餐廳，可以試到特色的下午茶～

我們用餐時間食左差不多1.5小時，不知不覺～

平時喜歡食韓國菜／可以冇限時跟朋友食下野傾下計，呢度真係一流，仲有無限添飲，講幾多都唔怕口渴啦！

炑八韓烤
地址：太子彌敦道749號歐亞銀行大廈地庫

Facebook: https://www.facebook.com/meokbangbbq

＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊
歡迎合作試用．邀稿．出席活動．化妝工作
Wing Ho
E-mail : fingyan.wing@gmail.com / fingyanwing.makeup@gmail.com
Facebook : www.facebook.com/fingyanwing.makeup

Instagram: FINGYANWING.MAKEUP

＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊