2016年5月13日 星期五

｜吃喝の享｜在火車上用餐 ● CHOO CHOO

話說深水埗係男人的天堂，無所事事就跟男人走了去深水埗看電腦用品及玩具模型～
行左一個下午係時候要搵地方食晚飯，之前有朋友提及過長沙灣有間好特別的餐廳，於是我地就慢慢行到長沙灣，因為長沙灣係工廈區，沿途都無特別商店，食店附近就好多車房，真是萬萬想不到這裡有間好特色的餐廳！
如果乘MTR到長沙灣站，大約步行10至15分鐘左右就可以黎到啦～
因時間尚早，所以唔洗等位就可以坐低啦～

店面唔算好大，不過裝修好有特色，它們就以火車為主題，餐廳兩邊都好似有個好列車的窗口，窗口其實是LCD顯示屏，不斷播放著在列車上行走中看到的境象，仲有不斷的火車聲，有聲又有畫，就好似坐係火車入面食飯咁，好特別呀！
而上面有就CHOO店鋪的名字，用心的擺設，好吸晴呀！
枱上面還有一盆迷你的植物，好精緻呀！
重點當然要睇下食咩啦～

Mango Banana（HK$48）
以電燈膽外形的玻璃瓶，入面注滿飲品，主要是以芒果及香蕉混合之成的飲品，即叫即制的～
飲落質地好滑，有點像奶昔般的質感，好香的芒果味，中間夾了好香好鮮味的香蕉味，原來芒果跟香蕉係幾夾，甜中帶點微酸，好開胃！
而杯墊就用地圖的圖案為主，真係有去旅行的感覺！

煙肉碎焗青口沙律配蒜蓉多士（HK$110）
以一盤木盤上碟，最吸晴就係上面的青口啦～
上面有4隻青口、沙律菜及蒜蓉多士！
青口比想像中大隻，上面淋上煙肉碎加蕃茄醬，上面過有白色似Cream的牛油，微酸的醬汁混埋青口一齊食好正，好鮮味，而且味道剛好又唔會太濃！
而沙律菜也是我指定的菜單，沙律菜好新鮮，加少了許柚子沙律汁，微酸好開胃～再加上香脆的蒜蓉多士，成份沙律一次過滿足3個口感，超正！

香辣羅勒葉醬炒魷魚圈意大利麵（HK$108）
點這個時，職員就跟我們說這個是帶辣，而且都幾辣，因為我地唔太食得好辣，所以就轉了一款叫青醬炒這份意粉！
上面的魷魚圈數量都幾多，食落幾彈牙，唔難咬開，易入口！
而意粉就混合了普通的意大利粉及黑色的墨魚麵，整個意粉用了橄欖油炒的，好香！
炒得好香，意粉軟硬適中，唔會太油淋淋，而且轉了用青醬味道好香，咸度適中，不錯！

炭燒非洲雞配紅椰香醬（HK$108）
呢個是男人點解，我不是太好雞的，但這個令我有驚喜呀！
炭燒非洲雞燒至表面金黃色的，而重點就在紅椰香醬，超級好香，好香的椰香味，如果有白飯係度，就咁用汁混來吃我都可以食哂成碗飯呀！哈哈！
切開雞肉沾來食用好配的味道！
而雞肉煮得好林身，好易切開，雖然肉質沒太嫩滑，但味道醃得好入味，配上無敵好味的紅椰香醬真係加哂分！


L.J.K （HK$98）
看到很多人都介紹這個甜品，所以一場黎到無理由唔食既～
上碟時單看賣相已經夠吸引，一個球形，上下都有紅色的作點綴！
先講講個球狀，其實就是Frozen Cheese Ball來的，入面是空心的，而外面就是一層芝士味的比Cream Cheese 硬身一身的，芝士味好香濃但濃而不油膩～
而上面就灑上紅莓味的脆脆！
而底部也有以紅莓製成的像雪芭般的質感，因為這個紅莓味有點酸，所以側邊就放埋一些焦糖脆脆，一口酸一口甜真係完全滿足哂味蕾！
而剛才說芝士波中間是空心的，刺穿了它就有源源不絕的紅莓汁流出，芝士配搭味道較酸的紅莓，一個甜品有齊幾種味道及口感，真係超級大滿足，愛吃的芝士這個真的不可不試，太好味了！


後記：
餐廳地點雖然較偏遠，也不是在旺區開設，但也不乏大家來光顧～
我們食到中段已經有人開始在外等位～如果唔想等就可以早點來吧～
整體食物比我想像中高，尤其是那份甜品，真係一試難忘，食物價錢中位價，想煮食水準高，值得一試！

CHOO CHOO
地址：長沙灣順寧道364-368號昌暉大廈地下1號舖
 
＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊
歡迎合作試用．邀稿．出席活動．化妝工作
Wing Ho
Instagram: FINGYANWING.MAKEUP
＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊
於
標籤：

沒有留言:

張貼留言

訂閱： 張貼留言 (Atom)