應該不少人都知道我剛剛六月有很長時間都不在香港，緊密的行程，去完台灣影Pre-Wedding，回港一天又立即轉戰到日本旅遊～
到宜家回港就可以慢慢分享返我之前為左影Pre-Wedding而去染髮色～
我係自己個Facebook post左張“頭痛相”，好多朋友都話好靚，除個左景靚之外，條婚紗、成個造型都是我想要的菜（迫你睇哂全文先有得睇！哈哈！）
有唔少朋友就讚我呢個髮色好靚，所以今次就想Share我個美美髮色係邊度染啦～
在臨出發Pre-Wedding一星期先安排染髮，去到位於尖沙咀的Hair Kingdom搵阿Man染髮啦！
呢度有個人Locker可以先放低大家的行裝，等你安心享受佢地的服務～
呢間係樓上鋪，環境都同一般Salon大同小異，有好多新雜誌放係度俾客人睇～
今次為左影Pre-Wedding而染髮，所以我都請教髮型師染咩色好睇D，之前有同學仔都分享過佢地試妝時的髮色相，我覺得好靚，所以就俾髮型師睇下！
完全是交哂俾髮型師阿Man！
這裡的環境都好光猛整潔，這個位置是洗頭區，設有多個位置～
先俾大家睇下我原本個頭係點，我一向都係染髮的習慣，不過為左養一養返好D頭髮，同埋想留返長少少，我已經有超過大半年無去染髮同剪髮了
（但之前我有做Highlight漂的，所以大家都會仲見到我有D Highlight位）
呢度一面整頭都唔會悶架～準備左唔少Snacks同埋冷熱飲品免費提供俾客人，因為唔想飲咁多凍野就飲杯熱朱古力啦！
（但後來髮型師Feel到我個人好熱，叫我飲支烏龍茶！哈哈！真係成支俾你！讚！夠貼心！）
染髮過程都幾漫長，由髮型師助手幫手上染髮劑，貼近頭皮的有點吉吉地，佢地都立即幫我處理一下～
經過加熱，沖洗後，髮型師阿Man就幫我修剪一下髮尾，唔敢剪太多，因為要Keep住去到下年Big
Day，唔係平時我都唔會留太長的！
阿Man仲好細心咁幫我吹返同卷返靚個頭先走，第一次試到Dyson風筒吹頭真係好快手呀！
髮型師都是愛攝影的人，仲幫我拍下這美“影後”型格相片，俾佢地做返個紀錄！騙照是這樣練成的！
髮型師阿Man都好健談好Nice，仲了解一下我本身的要求，雖然當晚都幾多客，但都唔會要我等大耐，感覺唔錯～
至於價錢以地區及服務來說，我覺得是可接受的，但貴唔貴就真係好見仁見智，有人覺得買盒染髮劑都貴既，所以唔可以大概而論，純粹個人意見及自己想紀錄一下，不喜勿插，謝謝！
為左呢輯永久保存的Pre-Wedding相，我個人覺得呢D錢絕對值得花！
在這附上我的「頭痛相」乙相！如果想睇我更多婚照，快D
Like & Follow我Facebook同IG啦！
Hair
Kingdom
免責聲明:
本文章所發表的全部內容均屬個人意見及感受，並不代表該品牌／公司之言論及立場。
如需協助或希望獲得更多有關產品資訊，請直接聯絡該品牌／公司查詢或尋求相關專業意見。
＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊
歡迎合作試用．邀稿．出席活動．化妝工作
Wing
Ho
＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊
沒有留言:
張貼留言