2018年7月13日 星期五

♥R&W♥ 婚享 #13:一日游走三間褂店.尋找性價記高的傳統裙褂 ✿ 馬拉松式試褂記

各位準新娘除左著緊搵自己心目中的婚紗The One,其實真真正正的The One唔止婚紗,傳統裙褂一生人只可以著一次,試身時唔可以全身試穿,只可以拼上身,如果有試過裙褂的準新娘都會知道!

對於裙褂我由定婚期開始一直都毫無頭緒,之前都經常上黎睇各位B2B婚享都學到唔少野,有等級之分、平腳同水波腳又唔同意思、仲有龍柱呀花柱、又有分第幾手個價錢都唔同等等,真係好大學問呀!

準新娘都會有一種被「一世人一次」蒙蔽,有些B2B會豪擲千金都係為左自己出嫁時好好睇睇~無錯!有頭髮邊個想做「喇呢」,錢唔係問題我都會豪不猶疑,但我相信上得黎呢個婚享平台大部份的新娘子都是搵找平靚正的東東!對不對?!(錢!我們是有,但要用得其所先至算係精明消費者!)


不論選場地也好、婚紗也好、裙褂也好,最緊要知道自己想要的要求,先會易D搵到理想的目標,而我對裙褂的要求如下:
-      不要潮褂/禾秀款
-      裙掛要有點紅色,不可全金銀(媽媽同男友的意見),紅色感覺喜慶一點
-      Target大五福/褂后
-      Fit身(去到文章尾段大家就知點解)
-      不需要第一手褂,望落新淨整齊就OK
-      Budget HK$3,000以下

就襯之前假期就拉埋男友同我行勻太子到油麻地,試齊大家以熟能詳的傳統裙褂店,一日內就決定了!

第一間
呢一間係樓上鋪,亦都係最近係呢個平台出鏡率最高,我都係經呢度新娘子介紹去架!

呢間我一共試左4款,由大五福、小褂后、褂后同褂皇!

大五福
呢套大五福係平腳,紅色位置比較多,因為係新品種,身上的鳳同上身的腳都有少少顏色,唔洗淨係金/銀/紅!

小褂后
對比頭先果套,明顯紅色會少左D,繡線比較多,龍鳳都幾立體幾晁,整體感覺唔錯!

五彩褂后
呢套五彩褂后是剛才的小褂后升級被,著左上身真係超級閃,仲可以保留小小紅色的位置,彩褂多色感覺,視覺更加豐富!

五彩褂皇
未試過褂皇,一場黎到就試下自己岩唔岩啦~
拼上身好似唔係太襯,可能我樣比較細個,同埋要Out既原因係因為套褂無紅色,男友見到都立即擰頭!
第一間去試,當然唔會即時租!我自己就心儀小褂后(左)同五彩褂后(右),睇埋其他先再決定啦!

第二間
應該會去租傳統裙褂的新娘子都去過,當日係假期,所以人流都比較多,耐心等一等其實都唔係好耐就有職員俾相你睇,問你想試邊款!

呢間我試左兩款,分別是中五福同褂后,兩件都應該有5手以上架啦!

中五福
呢套係傳統的中五福款,金銀線居多,但係就明顯無第一間咁閃,龍鳳都算立體!

褂后
褂后明顯金銀線比較密,但又是沒有好閃,而且龍鳳立體度比中五福的遜色,但係上下身的金銀線分佈比較平均!


第三間
沿著大路一直行,就去到第三間的傳統裙褂的店,人流無剛才果間咁多~
呢間我同樣試左兩款,分別是大五福同褂后,幾多手我就忘記問了,唔好意思!

大五福
呢間D褂明顯比剛才第二間係新淨D,穿上新都幾閃,但係龍鳳就唔太立體!

褂后
呢套褂后同第二間款都有D似,都算閃,不過紅色位置不多,上下身的金銀線分佈平均,但租價OutBudget了!

來到決擇的時候,比較三間的褂后,我作為一個比較跟得上潮流的準新娘,比較過三間的價錢/稱身度/整體感覺後….
最後,就係決定租第一間的五彩褂后(左手邊)~
雖然男友覺得全身感覺都是第三間比較平均,但係價錢略貴了一點,而且我地分析過出門果陣,攝影師多數都只會影上身比較居多,下身的上鏡率比較少,

呢間的裙褂沒有封褂的服務,但係問左老闆,可以隨時上返去約試身,可以Keep住睇到褂的新淨度,而且眼見佢都有好多件存貨,而且最重要一點是它性價比高,Within Budget,我地果日由中午2時幾行到7點幾返轉頭立即Join埋佢!佢地係要先Full Pay架!

題外話:
之前係婚紗店試身時,順手試埋佢地D裙褂,其實都幾新淨架~
但可惜身不稱身,我俾阿媽睇,佢話著到我成個冬瓜咁=_=
可以裙褂要Fit身先好睇!

最後揀左呢套啦
KO左一個Item!俾D掌聲自己!




以上都是我的用心分享,大家喜歡的就留個腳印👣支持下~你們的支持就是我婚享的原動力!多多指教!

Follow Me  Facebook / IG

沒有留言:

張貼留言