2018年7月11日 星期三

♥R&W♥ 婚享 #10:自拍Pre-Wedding の 日系小清新婚照 ✿ 攝影器材,道具及技巧篇

籌備一場婚禮真係唔簡單,好多大大小小的事項,好想一一都記錄下來同大家開心Share

其中Pre-Wedding確是大家不可缺少的部份,繼之前同大家婚享了自拍Pre-Wedding  日系小清新婚照 婚紗禮服篇 


今次就到詢問度比較高的【攝影器材,道具及技巧篇】好多準新娘知我跟男友自拍Pre-Wedding後都有私下私訊我問

「你地用咩相機?」
「腳架係邊買?」
「用咩鏡頭好D?」
……
..
.

為左詳細咁為大家解答一下大家想知道的問題,所以特別出左呢篇,順帶講講我地帶去的攝影道具啦!


但入正題之前又要花D口水講講我同男人的背景先(因為同之後提及的有莫大關係)

我跟男人是同學,就讀的科目是關於Multimedia Design方面的,除了Design方面,我地在攝影拍片剪片/音效燈效等等相關都有一定的認識~

而我跟男友對攝影都也有興趣及要求的
我是BB班,而我男人應都有半專業班級數,因為宜家返工都有對攝影器材至到去週邊的器材都有相關認識,唔算得上全職婚攝的專業級數,但影的相片都是正常的(至少我好滿意)!

之前都有寫Blog都提及過,我同男人每次去旅行都會帶備腳架自拍的,所以儲埋儲埋好多旅行合照(揀做成長片段都有排揀)


所以我男人之前在佢家姐結婚時,都有幫手影相及拍片(認真工作的男人特別吸引
所以有個會攝影的男人,任影唔嬲的男人是十分幸福的!

所以以下婚享未必個個都適用,不過如果有興趣可以作為一個參考呀 :)


道具篇
講到明係自拍,咁當然準備拍攝道具都是我地兩個自己一腳踢啦~

因為我地去到日本旅行順手搵一日去影相,所以在出發前需要準備一系列道具及器材等等物品,除了攝影器材是男人負責的,其他都是我準備的!


1)  Hand Carry 行李箱:
如果大家選址是距離酒店有一段路程,大家就不可能換好婚紗周街走,大家可以自備一個Hand Carry 行李箱,可以將所有婚紗道具及其他用品帶出去
2)  野餐地墊:
因為你地需要將隨身物品放低,先可以開始影相,因為無人會揹哂行李上身影,而當搵到一個拍攝點就會停下來影,周圍擺放的行裝,你都唔想你D野弄髒嘛
3)  大型紅白籃袋:
我這個是好多年前在Disneyland買入的,袋SIZE都有Hand Carry行李箱咁大,因為會有好多個人物品/道具/器材等等要拎出黎隨時在拍攝時使用,唔想成日又開又關行李箱,就可以準備大袋方便走佬轉地點影相~


因為我要去到目的地附近找廁所換婚紗,男人唔可以一齊入去,我就用個大袋將婚紗等放入去大袋,拎入廁所變身啦!

至於大家有睇到上一篇婚紗禮服篇,大家都好想知我點樣扣後面D,其實我是先穿上婚紗,之後再著返自己件外套上身,再到外面找男人幫忙的(過程可以用外套一邊遮住一邊扣,所以問題不大,綁帶其實都可以用同一方法)

溫馨提示:大家可以先在香港試一試綁/扣(你男人),練一下咁到時就唔會搞咁耐啦!

拍攝道具方面,我就主要準備左3樣:


1)  花球
2)  燈串
3)  婚禮日期牌




以上都是來自偉大的淘淘,花球有好多款式選出,平均都係50蚊人仔左右一個,好抵玩,實物質素都唔差架!



燈串都勁平呀~我買左2USB版本都唔洗20蚊人仔,另外仲有電池版本,不過個人覺得USB比較方便,因為尿袋在去旅行時都係隨身帶備架嘛!


而訂造名牌同日期牌相信各位準新娘都唔會陌生,可以一物兩用,影相又可以用,Big Day當日又可以放係接待處/Candy Corner位做裝飾,完婚之後又可以放係屋企做裝飾,記下我們重要的一天!




我當時一口氣訂左兩個,但因為名牌那個比較大及重身,唔係太適合帶咁遠,所以就只帶了這個戒指形婚禮日期牌,實身又唔算太重身!


攝影器材及技巧
來到男人出場啦~

1)  腳架:

腳架係自拍不可缺少的攝影器材,人形咁高的腳架是男人帶的,而小腳架是我帶的!

腳架其實都有好多款,就算出去大型電器鋪買相機都會送贈,但係一支好的腳架真係幫輕大家不少,當場用咩腳架就睇下你用咩相機,好似我男人用大機的話,連鏡頭都有一定重量就要買D穩陣D~購買時可以留意腳架的負重多少~

而為左減輕當日的負重,我地比較建議用一D比較輕身而且負重比較高的腳架咁當然價格就會相對比較貴一點,但係經我地試過平同貴的,我地都覺得呢個錢係值得花,尤其係好似我咁平時去旅行都會日日腳架跟身外出!


呢支腳架都用左幾年,雖然比較貴一點,但我地冇後悔過,你睇下我地將隨身行裝掛哂上去都冇問題!

至於小腳架是八爪魚腳的,可以比較適合影低角度的相片,當然我這支小腳架都是Cheap野淘淘入手的,負重就當然比遜色可以配合比較輕身的傻瓜機使用!

2)  相機及閃光燈:


我們的自拍婚照全部都係用呢部單鏡反光相機,不是新Model,男人已經用了多年了~適合對攝影有研究的朋友使用,如果自問唔識用,就所以轉用返比較簡單易操作的相機都可以啦!

用上專業級的相機,當然配返支閃光會比較理想,一陣會分享返有閃燈同無閃燈既分別俾大家睇下(當然不專業的也可以不用,但對攝影有要求的就真係唔可以缺少了)

3)  鏡頭:



用上可以換鏡頭的相機當然換鏡頭是必須的,今次的相片主要都係用上呢兩支鏡頭,中短長距離的都可以影到可以影環境比較多/全身,或影近鏡半身都可以顧及到~

而留意大家很喜歡的前清後朦的專感是取決於鏡頭的光圈(F),光圈愈大(數值愈少)做到前清後朦的效果會比較明顯哦!
4)  反光板:

反光板可以幫助補光的,有時見到專業的攝影師拎到拎白色板在新人附近,就是有補光作用,因為陽光不是時時都在頭頂正中間,遇到一些位置會拎新人樣的光影反差比較大時,就可以幫助補光,令樣子可以Sharp一點~

這塊反光板好輕身,又唔太佔位,不錯!

說好的技巧篇其實上面都有一直在說明,不過俾大家睇下部份成品啦~
所有相片是原相直出未經修圖



相片有前清後朦的效果,因為拍攝當日都比較天色昏暗,沒太多陽光~
也用了反光板將臉容補一補光,效果就沒有太暗了!

P.S 人仔50蚊的花球也不錯的說呢!


遇上紅葉的季節,來到的公園有開得美美的紅葉唔係唔影下嗎~
大家見到這張取景比較多,就是取決於當時配合使用的鏡頭了!


當相片出現兩個人的時候,我們的攝影師就是腳架了~
我男人就沒有使用拍攝遙控,如果拍煩要走來走去的話,可以配備自己相機可以用的拍攝遙控,或是如果相機有WIFI連接手機的拍攝功能,可以善用一下,真係方便好多架(可惜我男人部相機是沒有這功能呢)

建議大家可以在拍攝前多周圍參考其婚照的取景、角度、POSE,遇到自好想影的參考圖可預先SAVE係手機咁去到相攝地點有類似的場景時,就可以轉版轉換咁演繹返出黎~

我地呢張就係參考左人地的樓梯婚照了~像樣嗎?(我自己好滿意,因為紅葉好美哦)


小腳架出場就可以影一D低角度的相片(呢張都係呢個Trip入面影架)





閃燈的運用上一張沒閃燈而下一張加了閃燈效果係唔係已相差好遠呢

好似張張相都好完美咁~

但其實自拍好多時都會NG的,好似有D未準備好個POSE呀~
影完出黎個樣好奇怪呀等等等,所以記得影完之後都要Preview一下自己滿唔滿意,因為唔係所有野都可以靠PS執出黎架!


我地每次合照,我都要企係將會影相的位置俾我男人試位同試影一張,睇下美麗相片的背後其實都是有是狠背耶~

想影張抱起相?時間唔夠就會影左一張咁既相出黎~唯有重影啦!

終於10秒內,我男友由按快門之後跑過來抱起我再對鏡頭笑真係好唔簡單架!辛苦哂我男人啦!


打了幾小時,終於完成啦~
希望以上用心婚享可以幫到即將/打算去自拍Pre-Wedding的準新人,其實自拍唔一定要係外地,香港都有好多好美的地方可以去~

我地之後都打算去香港搵地方再玩自拍,因為我地輯正式婚照是去台灣影的,香港畢業都是我地的出生地,點都要去留個影既!遲D再同大家婚享成品啦!

其實這系列自拍Pre-Wedding  日系小清新婚照仲未完,下回就會再同大家婚享我地點樣自己化妝同Set頭造型啦~多謝大家用心看到最尾~俾個叻大家!



以上都是我的用心分享,大家喜歡的就留個腳印支持下~你們的支持就是我婚享的原動力!多多指教!


**********************************
歡迎聯絡合作
Wing Ho
Instagram: FINGYANWING.MAKEUP

**********************************

沒有留言:

張貼留言