出黎工作之後，身邊的朋友工作不同，因為好難約岩時間聚下！
一間開得比較夜的食店就最岩我地啦～
所以我地就約左來到深宵食堂食飯聚一聚，尖沙咀這間是第二間分店，聽朋友說這間店（銅鑼灣分店）是很難Book枱的，所以今次就試試來到尖沙咀分店食
深宵食堂其實就像日本的居酒屋般，店內座位不算太多，不過就好有日本居酒屋風格！
燈光就比較昏暗，談天把酒一流！
先看餐牌！
食物就只有這一頁，款式不算太多，但也有日本居酒屋的熱門菜式！
也另有其他飲品提供！
另外還有D即日精選推介！
日式一口雞（HK$58）
日式一口雞是全炸的，一口一粒，上面灑上七味粉，旁邊跟有沙律醬作調味！
一口雞沒有骨的，炸得金黃色的，外表好脆口！
而它表面的炸粉不太厚，咬開熱騰騰的，沾上沙律醬不錯，調較的火喉剛剛好，雞肉都幾嫩口！
軟殼蟹沙律（HK$68）
沙律上有炸上的軟殼蟹，上面有沙律醬及蟹子，而底下就有沙律菜及車里茄！
炸軟殼蟹炸得有點像天婦羅，炸得剛剛好，份量都比想像中多，軟殼蟹味濃，沾上微酸的沙律醬食又有另一翻風味！
燒雞翼（HK$38）
串燒雞翼有兩串，每串有兩隻燒雞翼，好欣賞佢地雞翼唔係就咁原隻燒，將雞翼的肉壓至扁平去燒，所以肉都幾平均！
仲要好易進食添！
香草黑豚肉飯（HK$58）
無飯到肚又唔得既～所以就叫左碗飯食！
今次就選了香草黑豚肉！
黑豚肉份量都幾多，肉質好嫩好易咬開，而用了香草醃製好惹味呀！
飯入面仲D燒汁，所以都唔會覺得口淡淡，不錯！
蒜片牛肉（HK$66）
食齊雞同豬，點可以無牛呢～
蒜片牛肉好正好好食，肉質好嫩，而且蒜香味香，好惹味！
不過就比想像中多汁，如果再收多D醬汁乾身少少就仲好啦！
後記：
食物整體質素好平均，不錯！
而且價錢中價，唔係太貴，如果想體驗日本居酒屋的氣氛及美食，不妨一試！
深宵食堂
地址：尖沙咀厚福街12號藍馬商業大廈5樓
＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊
歡迎合作試用．邀稿．出席活動．化妝工作
Wing Ho
Facebook : www.facebook.com/fingyanwing.makeup
Instagram: FINGYANWING.MAKEUP
＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊
沒有留言:
張貼留言