話說早前在社交網絡經常看到朋友POST相，就是熱爆韓國的海鮮塔蒸氣鍋，顧明思義就是每一層都擺著滿滿的海鮮，這個如此巨大的塔真係好吸晴，一直都想去試試！
早前經朋友介紹之下，預早Book位預祝我的生日，就可以一嚐這個吸晴的海鮮塔！
九重鮮有兩間分店，一間在大坑，一間在黃埔，因為放工過去比較近，所以我們就去了黃埔分店，地點好易搵！
因為據朋友透露如果星期六日去的話會比較多人，所以我就預先訂了位，不用等候就可以坐下來！
店內光猛，空間感十足，我們6點半左右到達，店內已經坐滿了一半人，看到不少的塔，好興奮哦！
店內還設有洗手盆，方便客人用手食用完海鮮時，可以沖一沖洗！
枱上擺放著整齊的餐具，中間放著個大鍋！
先看看Menu，好有質感的一本菜單！
主要有幾個菜單選擇，職員介紹如果第一次食就建議可以享用首爾塔（每位HK$398/2位起），另需加一服務費！
所以我們就點解這個，另有湯底（粥底）可選，我們就選了韓式豬手湯，另有人蔘雞湯或羊肉角湯可選，還有其他加錢的湯底！
職員先將湯底的材料放入大鍋內，入面可以見到材料有蜆、豬手、韓式年糕及將煮成白粥的米，之後就開著個鍋，就等著海鮮塔的駕臨！
先上兩款韓式小食開下胃，聽職員說泡菜是自家醃製的！
還有調味醬味，都是自家製的，可以配合自己不同的口味食用，而職員就建議最好就先試海鮮本身鮮味為佳！
萬眾期待的塔登場啦！
我們兩人的海鮮塔就只有5層，如果人多D個塔就會再高D架啦！
在海鮮塔頂有一個自己開蓋的設備，所有蓋都都按位置掛上牆上，塔一到，職員就按制將蓋下放，再在蓋頂放入一支溫度計！
當溫度升至90度，就可以開始食用啦～而頭兩層就最好10分鐘內食用，確保其海鮮的鮮味最佳，仲有一個5分鐘的漏斗，幫助計時，食用時就好似跟時間比賽一樣！
而每張枱旁邊都有一個垃圾桶，可以方便收齊海鮮的殼及其他垃圾！
終於到90分鐘，打開第一層是有蟶子及象拔蚌，旁邊就有一些菇及翠玉瓜！
而殼內盛載著滿滿的精華，職員說唔好浪費精華，可以將精華沿著塔之間的洞倒落下層，最後個粥底就非常鮮甜架啦！
蟶子及象拔蚌為左方便食用，他們預先將肉剪成一小塊，咬落超爽口彈牙，食得出海鮮的鮮味！
而來到第二層，就有元貝及海蝦，還有一些金菇墊底！海蝦好肥美多肉，肉質好新鮮！
元貝超大隻，差不多跟我手掌一樣大，同樣在是盛滿精華，元貝蒸得剛好，好鮮甜！
第三層就是北寄貝及花尾龍躉，中間有一些雲耳、蕃茄仔及菇類作伴碟！
第一次係原隻北寄貝，好大隻呀～要花點力氣先可以拆下北寄貝肉食用，好煙韌～而花尾龍躉魚肉質超滑，好鮮嫩哦！
第四及五層可以慢慢食啦！沒有時間限制！
第四層主要是貝類的海鮮，分別有蝴蝶蚌、大花蛤、大蚌及沙巴肉蟹一隻，旁邊就有蒸木瓜及菇！
大隻少少係蝴蝶蚌，跟大蚌其實質感沒太多分別，是肉比較多～
而大花蛤也是好有口感鮮味的！
還有一隻Size比較細小的沙巴肉蟹，兩人就有一隻，職員會提供鉗去食用，平時比較少吃蟹，因為怕麻煩！
但他們已經分成4小件，稍稍用鉗夾幾下就好易食到蟹肉，肉質都係非常新鮮鮮甜！
來到第五層最後一層，就有鮑魚、海螺，蔬菜類就有好吸晴的橙色日本蕃薯、栗米、日本南瓜、白蘿蔔、冬瓜及冬菇！
鮑魚一人一隻，好有口感，同樣好鮮味，而海螺小小的，也是有彈牙煙韌！
另外，日本蕃薯超甜，原來蒸也不錯！
最後就到開頭放下的湯底材料，一轉眼變成一鍋粥～
職員先為我們張表面的一層隔走，就可以食用啦！
可以落少少胡椒作調味，可以有辟腥的作用～
粥入面有蜆、白蘿蔔及韓式年糕，粥煲至半水狀，內有盡剛才食用海鮮汁的精華，比較清淡唔會太濃味，又有海鮮的鮮甜！
而粥底就有豬手的肉香，所以煲出來特別香特別惹味！
後記：
超滿意今次的一餐海鮮餐，整體海鮮都非常新鮮，加上周邊貼心的服務及職員邊食邊講解，即使客滿也沒有覺得他們冷侍了任何一位客人！
下次帶爸媽再來食先！
九重鮮
地址：紅磡黃埔花園11期地下G26號
Facebook：https://www.facebook.com/9steamfresh
＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊
歡迎合作試用．邀稿．出席活動．化妝工作
Wing Ho
Facebook : www.facebook.com/fingyanwing.makeup
Instagram: FINGYANWING.MAKEUP
＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊
沒有留言:
張貼留言