說時遲那時快，跟男友已經拍拖11年了～
由學生年代橫跨至踏足社會大學多年，能夠認識相處拍拖是緣份～
大家之間相處也會不同的學問，感謝男人在多年的愛護及寵愛，令我都活於有自由空間的幸福之中！
我倆都已踏入適婚年齡，我們身邊的朋友都紛紛加入人妻人夫的行列～
當然我也經常被身邊朋友問到我跟男人何時好日子～哈哈！（只有一笑置之）
近年，我們開始互相傾談將來結婚的事，雖說結婚可以就咁洗幾千蚊去註冊處註冊就可以了事！
但始終結婚人生大事，我們絕不想馬虎了事，就算沒有最華麗的衣服、沒有最美味的晚宴、沒有最豪華的場地，都想擁有一個令我們一世難忘的婚禮！
我們不是富家子弟，也不是專業人士，只是跟絕大部分一樣的打工仔，可謂蚊蚊皆辛苦，所以宜家就算未開始正式籌備，我已經預早搜集資料，參考多D婚享，跟有經驗的朋友互相討論！
籌備一個婚宴的開始，應該是由男人求婚的一剎開始！
（當然我們也在努力中，男人當然是未有向我求婚啦！）
但做左咁耐有關婚禮資料搜集，當然希望跟大家開心Share資訊啦！
（我的”肺”話太多，開始入正題吧！）
一個婚禮上最大Item，莫過於係場地！
即使想搞婚宴酒席，還是證婚Party，一個靚靚的場地絕對唔少得！
當然唔洗諗錢的問題，我好相信90%的B2B都應該想在酒店搞啦～一來大又華麗，二來交通方便，三來是虛榮心吧?!，但酒店兩字一定唔會失禮街坊先！
但結婚，正正錢就是最大的問題！
其實香港的B2B都幾幸福，雖然香港地少人多，但可以舉辦婚禮的場地絕對不少！
相信大家對Club ONE絕不陌生，也有好多人問夠竟ClubONE好唔好～
我也曾經去過數間分店參加飲宴，感覺蠻不錯，可按圍數的場地有大有細，可以按返新人的要求去選擇！
而上官網睇返價錢，真係一個Within Budget的婚宴場地，價目表一目了然！
Club ONE亦是我將來婚禮的考慮場地之一，知道它們近期新開的一間分店－海濱長廊 One Bay East，所以急不及待走去參觀一下（因為在我家附近ma~嘻嘻）！
海濱長廊 One Bay East位於觀塘海濱公園隔離，當日我就沿著這個觀塘海濱長廊行步到場地！
我是住在附近，所以我也曾經來過幾次行下影下相，也曾見過有人在這裡拍婚紗相，城市中的一片綠草，真係難得的好地方，平時影相都一樣咁正！
場地位置其實是近牛頭角MTR，步行10至15分鐘就到（但沿路沒有遮掩的位置，如果落雨就比較麻煩），海濱道公園旁的一座CITI TOWER一樓內，乘上扶手電梯上一層就到！
GOOGLE MAP > https://goo.gl/UTfNF0
除了MTR外，還有部分巴士及小巴可以到達附近落車，所以交通尚算方便，如果假日來的話，附近的人流較少，因為在工商廈區，大部份的打工仔都放假了！
到達了！
先看看正門，其實不算大，不過裝修就非常時尚，而木及透明的玻璃為主，簡潔又時尚！
而門口就好有心思，整成一個個小木抽屜，加一點點草作點綴，只作背景影相都好靚！
推門入去就是接待處，光線柔和舒適，非常整潔！
而另一邊右手面一角的門口，正正就是新娘房的位置！
牆身好西式，而上面就有好有中國風的畫油，簡單又美！
而這裡就可以用來作接待位置/Candy Corner/擺放紗相供來賓觀賞！
作為一位B2B，場地黎講另一個重點關注的地方就係新娘房喇！
因為大日子更係要在”後台”化到靚一靚示人架ma～
入面都幾寬敞，一眾姊妹在內幫忙都唔覺得迫～
除左有基本的化妝台外，有衣架、有Sofa、企立式熨斗及夾萬
夾萬真係好重要，當然收到父母親戚送上的金飾，價值不菲，所以都是好好鎖起！
而我作為一個Freelance的化妝師，幫人化妝最好在光線充足，最好是白光下進行，化妝師先可以準確用色及化好所有細緻的地方！
而這裡是用白光，化妝師黎到工作都覺得舒服，易於發揮水準！
而新娘房內就有獨立的洗手間，一樣是簡約乾淨！
參觀完新娘房，就到大廳啦！
大廳呈長方形，樓底唔會太矮，而且仲乎合好多B2B要求的，就是中間無柱遮擋，坐在後面遠方的親友都可以看到台上～這個廳最多擺到27圍！
這條就是March In 的小路，步行到台上～
長方形的大廳，坐在兩旁的親友都可以在進場時打招呼！
每席可容納12位賓客，座位之間唔會太迫！
而台上就有一些絲花點綴，另備有5層的結婚蛋糕（當然是假的）作裝飾！
結婚蛋糕雖然是只裝飾拍照用途，不過造功絕不馬虎！
而背幕就可以有幾個顏色可以選擇，可以根據整個婚禮的顏色來選擇！
也特設LCD Projector，可以拉下大投影幕，播放早拍晚播及成長片段，在會場後部分應該都看得一清二楚！
而場地的旁邊正是剛才提及的觀塘海濱長廊，近窗的一邊就可以看到，午間婚宴就會有日光可以照到入內，如晚宴的話應該是另一翻境象吧！
如果當日行程不太緊迫，仲可以預少少時間去到附近跟兄弟姊妹們一同到觀塘海濱長廊一同拍照！
而大廳另一個亮點就是頭頂的雀籠水晶燈，配合返整個場合西式及中式的Crossover設計，好美哦！
而假天花滲出柔和光線，整體感覺好舒服簡潔又優雅！
而在大廳後方，就有一座白色的三角琴，如果搵到個識彈琴的朋友幫手現場彈奏婚禮進行曲，氣氛更好！
而大廳後面就有娛樂區，因為當天沒有人用，職員就將物資在這裡存放！
Club ONE 海濱長廊平日星期一至五，中午時段才會開放作午膳，星期六日／紅日都會暫停營業，供新人預訂場地作Wedding為主！
後記：
Club ONE 海濱長廊這個場只有一個大廳可以擺酒席，不過場地細細，我覺得感覺更warm，可以跟親朋戚友多交流多合照，只係幻想都覺得氣氛應該唔錯！
咁大個女第一次去睇婚宴場地，好多細節野都仲未知道，不過凡事總有第一次！
雖然我們的婚禮日子形式都係尚待籌備及決定（都係要等男人有所表示先得！HEHE！），但為左我們將來有個難忘完美的婚禮，深信睇得多聽得多，到正式籌備時，自然就會得心應手啦！
最後奉上一張PW相片給大家欣賞！
就是早前偶爾有幸獲得一次婚攝的機會拍下的，還是第一次公開的（害羞）！
知道好多準新人都唔只拍一次PW的，我們既然互相已認定對方，拍婚照是遲早的事，早D”練習”一下，到正式時擺POSE/對望/笑容影相就更自然啦！
文字比較多，謝謝收看！
（雖然自己做Blogger已經一年幾，還是第一次正式為婚事而打Blog紀錄一下，希望黎緊會抽多些時間婚享更多開心Share俾大家啦！Let’s Happy Share！）
Club ONE 海濱長廊
地址：東九龍海濱道83號CITI TOWER 1/F
婚宴熱線：8209 9388
訂座熱線：3586 0951
免責聲明:
本文章所發表的全部內容均屬個人意見及感受，並不代表該品牌／公司之言論及立場。
如需協助或希望獲得更多有關產品資訊，請直接聯絡該品牌／公司查詢或尋求相關專業意見。
＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊
歡迎合作試用．邀稿．出席活動．化妝工作
Wing Ho
Facebook : www.facebook.com/fingyanwing.makeup
Instagram: FINGYANWING.MAKEUP
＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊
沒有留言:
張貼留言