2016年4月30日 星期六

|吃喝の享|跟朋友浪漫飯聚 ● Le Paradis Restaurant & Cafe

話說好耐冇跟好姊妹撐枱腳,所以就跟她走到一間樓上的西餐廳食飯~
餐廳位於尖沙咀旺區,在The One附近,位置方便!
這間餐廳地方不算很大~
餐廳有一個小酒吧,提供紅酒或白酒等飲品!
雖然餐廳地方細小,不過分別有室內~
以及室外的座位!
我們就坐在室外,兩個女仔係呢個咁浪漫的氣氛下用餐,傾計傾大聲D都冇人理啦!
不過留意室外係會聽到馬路及行人的小量雜聲,所以如果係跟情人來想靜靜地浪漫一下,就可以揀返室內坐會比較好!

我們就一人Order一份Set DinnerHK$398另收加一)
點好餐之後就等侍應上菜~
先上一份餐前麵包,麵包好鬆軟,上碟時仲係暖暖地,是餐廳廚師親手焗製的麵包,好香!
而麵包更可以配上意大利陳年黑醋橄欖油,好可愛的樽身,橄欖油及黑醋是分開的,比例幾多由自己話事,麵包沾上黑醋橄欖油,微酸好開胃!

哈密瓜,西班牙風乾火腿(17個月)伴意大利陳年黑醋橄欖油
套餐第一碟是冷盤前菜,上面有一大片的17個月西班牙風乾火腿,平時食的風乾火腿都比較偏咸,但這一款味道剛好,不太咸又有好香香的火腿味,肉質不乾而幼嫩
下面配著幾粒鮮甜的哈蜜瓜,配上風乾火腿一齊食,味道出奇地夾,如果覺得風乾火腿有味濃,可以配著哈蜜瓜一齊食,會比較易入口!

沙樂美腸田園沙律配無花果乾柚子蜜黑醋汁
 
之後就到沙津!
沙津上配上沙樂美腸,更有青瓜、洋蔥及無花果乾,口感十分豐富,沙樂美腸味道適中,而沙津菜就配上微酸的柚子黑醋汁,好開胃爽口!
最特別的就是沙津內有無花果乾,它的外貌不討好,不過食落有甜香味,好有驚喜!

龍蝦湯
龍蝦湯上面加有少量忌廉及香草作調味!
之湯入面就有D龍蝦肉,飲湯同時有咬口,龍蝦湯好香濃,有時龍蝦湯會有點澀味,不過這一碗就無,好香的龍蝦鮮味!

扒法國燒春雞伴黑松露忌廉汁
好吸引的擺碟,上碟就聞到陣陣的黑松露味!
燒春雞是細細隻,不過為左客人方便食用,就分成4件,雞春雞肉質好嫩滑,而雞也是微微煎香過,配上底部的黑松露忌廉汁,配搭無得頂,超好食,好香的黑松露香!
而底部就有紫薯蓉,比一般的薯蓉好特別!

是日甜品:法式焦糖燉蛋
是我的最愛甜品,上面有士多啤梨及藍莓作點綴!
燉蛋表面有微微燒過的焦糖,好香好脆,燉蛋都好滑身好香蛋味,份量適中,好味!



後記:
有時浪漫都唔一定要跟另一半既,跟好姊妹朋友有時浪漫下都唔錯~
另外一提,呢度職員好有禮貌,而且不時留意客人的需要,絕無被冷落,以呢個價錢來說,不過在尖沙咀區食到,交通方面,用餐完畢仲可以到附上行下街,真係非常相宜,跟朋友/情人慶祝都是不錯的選擇!


Le Paradis Restaurant & Cafe
地址:尖沙咀加連威老道41C嘉威大廈4A
**********************************
歡迎合作試用.邀稿.出席活動.化妝工作
Wing Ho
E-mail : 
fingyan.wing@gmail.com fingyanwing.makeup@gmail.com
Facebook : 
www.facebook.com/fingyanwing.makeup
Instagram: FINGYANWING.MAKEUP
**********************************

沒有留言:

張貼留言