今次又係放毒試靚裙時間，燒下各位準新娘先
忙極都有一小步一小步的為Big Day準備，對於婚紗禮服這件事都係心大心細（女人都係都係咁麻煩…我認！）
唯有就係不斷去試試試！唔試唔知身體好呀ma！（好彩我個暖男都好樂意陪我周圍試…嘻嘻）
之前都係經同學介紹下，就走左去預約去試身，睇埋佢地Facebook原來都好歡迎媽媽一齊去試，之前做緊Promote可以一時間內任試，於是我地就約左我們偉大的媽媽們係有限時間裡面試下裙啦！女人無論幾多歲都好，都係貪靚！我明！
去到先用電腦揀裙試，如果揀唔落仲可以問下職員有咩推介同新翻款式，職員好有Heart同超級Nice～而同一時間都有另一Pair係度試身，但影響唔大，因為大家會自成一角的！
廢話少說！去相！
1) 長袖蕾絲A-Line拖尾婚紗
因為我婚期在冬天時候，所以職員推介我試這條長袖蕾絲A-Line短拖尾婚紗，長袖的Lace感覺好高貴優雅，薄紗的露背約隱約現有小性感Feel～
而下擺的紗著上身十分柔軟浪漫，唔會太重身，而裙邊的多層Lace好特別，比較低調的，不會太花巧，重點轉移到上半身！
（請無視我的萌呆樣，因為唔知男人影咁近…hahahah）
大家睇到手袖位造工都幾靚，不過對於我黎講我就覺得鬆左少少，貼身會靚好多！
2) 裸色Lace半魚尾拖尾婚紗
這條都是職員推介給我試穿的，係佢地岩岩翻左冇幾耐既新裙～宜家都特別興D唔係全白色的婚紗，這條裸色Lace半魚尾拖尾婚紗可以兩穿，手袖位可以收埋架～但有個手袖感覺大不同了，溫柔好多～
而且個拖尾都幾靚，整體Cutting都不錯，但Lace我就覺得唔算太細緻，差一點點！
3) 一字領A-Line短拖尾婚紗
一字領係遮副乳同埋修飾手臂的恩物，而且感覺更加公主Feel，最特別係在背後腰間的位置都是半透紗的，有點小性感，拖尾就是一般般了吧！
4) Bling Bling絹面紅色敬酒裙
呢條係新裙黎架～佢地放左上Facebook我已經覺得好靚，絹面好有型，因為仲未試過敬酒裙，所以今次把握機會試下先～
上半身釘上好多閃閃Bling Bling，好吸晴，背心的設計都唔錯，不過我就吱左舊副乳出黎（掩面）正面睇無事，側面出事啦！OMG！
5) 蕾絲A-Line齊地紅色敬酒裙
試左呢條同岩岩果條相反，呢條冇閃，全是用Lace同紗去製作，同樣是背心的設計，背面是半透的薄紗，正正常常的，我就無心動既感覺啦！
6) 印花絹面拖尾紅色敬酒裙
一直都好好奇一Ｄ印花款著係我身上係如何，見到佢地新翻左呢條印花絹面拖尾紅色敬酒裙就試下佢啦！
拖尾都幾長，如果用來敬酒就好似唔係太方便，款色印花係幾特別，本身我也覺得不錯，又著得幾瘦，不過我男人第一句Comment就是”你好似著左條枱布上身咁”，一句KO了我…….(無奈”
)
)
我試完就到兩位媽媽啦！兩位媽媽個子都比較細小，都是一般的師奶身型啦！
但係大家特別的元素都唔同，佢地就每人揀左兩套黎試！
呢條銀灰色晚裝好有貴婦Feel，上身的半透Lace可以修飾一下身型，都唔錯！
呢條紫紅色幾喜慶Feel，上面的花花都是男友媽媽喜歡的元素，佢本身好中意花架，呢條好襯佢呀！
然後到我媽媽啦～呢條新翻的媽媽衫幾特別，中式旗袍款式我媽媽都好喜歡，身上的花花圍案都好特別，不過我媽媽最後話一般，唔係佢Style！
最後呢條我媽媽就揀左呢條藍綠色絹面晚裝，條裙係幾高貴，不過都係果句，我媽媽話露左個肥手臂出黎唔太好睇XD
試完整體我都覺得佢地多裙款選擇，不過當中我同媽媽們都未有叮一聲的感覺，所以當日最後都係無Join到～
雖然我無Join，有點覺得自己好運吉（掩面
）但係我都超級覺得要係度讚下佢地無Hard Sell又無黑面，我地試到差d阻到人地收工佢地都好Nice，仲叫我地考慮下先！（當然如果翻轉頭Join就無左第一次試身的優惠呢）
）但係我都超級覺得要係度讚下佢地無Hard Sell又無黑面，我地試到差d阻到人地收工佢地都好Nice，仲叫我地考慮下先！（當然如果翻轉頭Join就無左第一次試身的優惠呢）
其實我比較在意婚紗店的服務多於佢地的裙款，即使佢地D裙幾靚都好，我都要覺得洗果D $ 我洗我開心先得，搞結婚都已經好多野煩，無謂為左呢D事而帶俾自己負面的情緒啦！
我都仲係1516中，大家覺得如何呢？俾D意見我呀！多謝大家用心看到最尾！
以上都是我的用心分享，大家喜歡的就留個腳印支持下～你們的支持就是我婚享的原動力！多多指教！
＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊
歡迎聯絡合作
Wing Ho
E-mail : fingyan.wing@gmail.com
Facebook : www.facebook.com/fingyanwing.makeup
Instagram: FINGYANWING.MAKEUP
＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊
沒有留言:
張貼留言